Wangeela Gooftaa Keenyaa Yasuus Kiristoos

Isa Qulqulluu

                 Isa Maarqos Caafe

Seensa              

Kitaabni Qulqulluun Macaafota jaatamii ja’a of keessaa qaba. Macaafonni Kitaaba qulqulluu keessa jiran kunniin bakka lamtti qoodamu. Isaanis macaafota kakuu haraa fi Macaafota kakuu Moofaa jedhamanu. Macaafonni kakuu Moofaa 39 yoo ta’an kan kakuu haaraa immoo 27 ta’u. Kakuu Haaraa keessa Macaafota Wangeelaa afurtu jira isaanis: Maatewoos, Maarqoos, Luuqaasii fi Yohaannis ta’u.

 Akkataa tartiiba teesumaa macaafota kakuu haaraatti Maarqoos Maatewoositti aanee lammaffaa irratti argama. Maarqoos Macaafota Kakuu Haaraa keessaa kan jalqaba barreeffame dha. Macaafni kun jireenya Yasuu lafa kana irratti jiraate sirriitti kan calaqisiisu dha.

 Caasaa Wangeela Maarqoos: irruma keessa yoo ilaalle, macaafni kun bakka lamatti qoodamuu ni danda’a: Tajaajila Yasuus Galiilaatti kennee (Boqonnaa 1-9) fi Tajaajila Yasuus Yaruusalemii fi Galiilaatti qabaate (Boqonnaa10-16).

 Egaa yeroo kirtaaba kana qayyabattu keessatti akka sigargaaraniif:

Ø                               Yeroo fi iddoo filadhuu;

Ø                               Wanta irratti barreesituu fi waan ittiin barreessitu qopheeffadhu.

Ø                               Waaqayyo wanta ati baruu qabdu akka si barsiisuuf Kadhadhu.

Ø                               Yaadannoo qabataa adeemi.

Ø                               Gaaffilee bu’uurawaa ta’an gaafadhu

o      Maaltu ta’e?

o      Eenyuutu/eenyuuf?

o      Yoom?

o      Eessatti?

o      Maaliif?

o      Kun naan maal na barsiisa?

o      An immoo maal godhuutu naaf ta’a?

Ø                               Qayyabannaa kana keessaan Waaqayyo maal akka sitti dubbate yaadannoo keee irratti barreesiitii, yeroo fudhadhadhuu irratti yaadi.

Ø                               Kallattii ittiin Waaqayyoof abboomamuun sirra jiru irratti tarkaanfii fudhadhu.

 Kana hundumaa keessatti gaaffii yoo qabaatte, qofaatti barreeffadhu. Sababni isaa utuma dubbiisaa jirtuu deebii isaaf ta’u argachuu ni dandeessa waan ta’eef.

Waaqayyo si haa eebbisu. Ibsaa dubbii isaatiin jireenya kee hundumaa haa guutu. Ameen.

Wangeela Gooftaa KeenyaaYasuus Kiristoos

Isa Qulqulluu Isa

Maarqos Caafe

                                     Boqonnaa 1

Lallaba Yohannis Cuuphaa

¹Kun jalqaba wangeela Yasuus Kiristoos ilma Waaqayyoo ti. ² Macaafni, "Ilaa, ergamaa koo isa karaa siif qopheessu si dura nan erga!" in jedha. Macaafa Isaayaas raajichaa keessatti immoo, 3 sagaleen lafa onaa keessaa in iyya; dhaga'aa dhaggeeffadhaa, gooftichaaf karaa tolchaatii haraa, daandii inni irra adeemus qajeelchaa!" kan jedhu caafamee jira.

4 Yohannis cuuphaan lafa onaa keessatti argamee, "Cuuphamaa, yaada garaa geddarachuu keessan mul'isaa! Waaqayyo immoo cubbuu keessan isiniif in balleessa" jedhee labse. ⁵ Guu­tummaa kutaa biyya Yihudaa keessa, mandara Yerusaalem keessa kan jiraa­tanis hundinuu lafa Yohannis cuuphaan jirutti ba'anii, cubbuu isaanii himachaa laga Yordaanositti of in cuuphsisu turan. ⁶ Yohannis uffata rifeensa gaalaa irraa dha'ame uffatee, mudhii isaas teephaan hidhate, hawaannisaa fi damma moggaa nyaachaa jiraate. Innis, "Inni ana irra jabaatu na booddeedhaan dhufaa jira; gad gugguufee hidhaa ko­phee isaatii illee hiikuudhaaf ani nama ta'u miti. ⁸ Ani bishaaniinan isin cuu­phe; inni garuu hafuura qulqulluudhaan isin in cuupha" jedhee labse.

Cuuphamuu Yasuus

9 Bara sanatti Yasuus, Naazireet mandara Galiilaatii dhufee, Yohannis Yordaanositti isa cuuphe. ¹⁰ Yohannis akkuma Yasuus bishaanicha keessaa ba'een, bantiiwwan waaqaa saaqamuu isaanii, hafuurri qulqulluunis akka gu­geetti dhufee isa irra bu'uu isaa arge. 11 Sagaleen immoo, "Ati ilma koo isa jaallatamaa dha; gammachuun koos sitti in raawwatama" jedhee waaqa irraa dubbate.

 

Qoramuu Yasuus

12 Hafuurri qulqulluun achumaan Yasuusin gara lafa onaatti in baase. ¹³ Yasuus lafa onaa keessa guyyaa afur­tama bubbule, Seexanaanis qoramaa ture. Achittis bineensota gidduu ture, ergamoonni Waaqayyoos isaaf in ergamu turan.

 

Yasuus Galiilaatti Hojii Isaa Jalqabuu Isaa

14 Yohannis cuuphaan mana hi­dhaatti dabarfamee erga kennamee booddee, Yasuus kutaa biyya Galiilaa dhufee wangeela Waaqayyoo lallabe. ¹⁵ "Barichi raawwatameera, mootummaan Waaqayyoos dhi'aateera, yaada garaa geddaradhaa wangeelatti ama­naa!" jedhe.

 

Yasuus Bartoota Warra Jalqabaa Arfan Waamuu Isaa

16 Yasuus ciisa bishaan Galiilaa bukkee utuu darbuu, Simoonii fi Indrii­yaasin obboleessa Simoon kiyyoo isaa­nii bishaanichatti utuu darbatanii arge; isaan qurxummi-qabduu turan. ¹⁷ Yasuus immoo, "Na duukaa kottaa! Anis nama kan walitti qabdan isinan godhadha" isaaniin jedhe. ¹⁸ Isaan achumaan kiyyoota isaanii achitti dhiisanii, isa duu­kaa in bu'an. ¹⁹ Yasuus takka adeemee, Yaaqoobii fi Yohannisin ilmaan Zab­dewos, bidiruu isaanii keessa taa'anii kiyyoota isaanii utuu tottolfatanii arge. ²⁰Inni achumaan isaan waame; isaanis abbaa isaanii Zabdewosin hojjetootaa wajjin bidiruu keessatti dhiisanii, Yasuus duukaa bu' an.

Yasuus Qifirnaahomitti Hafuura amaa Ifachuu Isaa

21 Yasuus, bartoonni waamamanis mandara Qifirnaahom dhaqan; inni im­moo guyyaa Sanbataatti mana saga­daatti galee barsiise. ²² Garaan warra isa dhaga'aniis barsiisa isaatiin rukuta­me; Yasuus akka barsiisota seeraatti utuu hin ta'in, akka nama aboo qa­buutti isaan in barsiisa ture. ²³ Namni hafuura hamaadhaan[1] qabame tokko mana sagadaa isaanii keessa ture iy­yuu, si'uma sana caraanee, ²⁴ "Yaa Yasuus nama Naazireet, dhimma keenya keessa maaltu si buuse? Silaa nu bal­leessuu yaaddee dhuftee? Anoo eenyu akka ati taate si beeka, yaa qulqulluu Waaqayyoo" jedhe. ²⁵ Yasuus garuu, "Gab jedhi, keessaa ba'is!" jedhee hafuuricha hamaa in ifate. ²⁶ Hafuurri hamaan sun namicha qabatee ture sana wixxifachiisee, sagalee guddaadhaan iyyee, namicha keessaa ba'e. ²⁷ Isaan hundinuu na'anii, dinqifataniis, "Maal wanti akkasii? Barsiisa haaraa aboo of keessaa qabu! inni hafuurota hamoota iyyuu in abbooma; isaanis isaaf in abboomamu" jedhanii walitti dudubba­tan. ²⁸ Oduun isaa takkaa-dhumaan naanna'aa kutaa biyya Galiilaa sana keessaa iddoo halle hundumaatti dha­ga'ame.

Yasuus Dhukkubsatoota Baay'ee Fayyisuu Isaa

29 Yasuus mana sagadaatii akkuma ba'een, Yaaqoobii fi Yohannisii wajjin mana Simoonii fi Indriiyaas dhaqe. ³⁰ Yommus amaatiin Simoon dhukkuba dhagna-gubaadhaan qabamtee in ciifti turte; achumaan jarri waa'ee ishee isatti himan. ³¹ Yasuus itti dhi'aatee, harka ishee qabee ol ishee kaase. Dhagna-gubaan sunis ishee dhiise, isheen immoo isaan in keessumsiifte.³² Galgala sana erga aduun lixxee bood­dee, warra dhukkubsatan, warra hafuu­ra hamaadhaan qabamanis hundumaa gara isaatti fidan. ³³ Namoonni manda­ra sanaa hundumtuu balbala duratti walitti qabaman. ³⁴ Yasuus dhukkubsa­toota baay'ee warra dhukkuba garaa garaatiin rakkachaa turan fayyisee, ha­fuurota hamootas baay'ee baase; ha­fuuronni hamoonni isa waan beekaniif, inni dubbachuu isaan dhowwe.

Yasuus Galiilaatti Lallabuu Isaa

35 Ganama barii amma illee utuu hin ifin ka'ee, gad ba'ee gara iddoo namni hin jirree dhaqee, achitti Waa­qayyoon in kadhate. ³⁶ Simoonii fi warri isaa wajjin turan isa barbaacha ba'an. ³⁷ Isa argatanii, "Hundinuu si barbaadaa jiru" jedhaniin. ³⁸ Yasuus garuu, "Ani isaaf waanan ba'eef, achittis akkan lallabuuf kottaa gara mandaroota nutti aananii in dhaq­naa!" isaaniin jedhe. ³⁹ Inni dhaqee manneen sagadaa isaanii guutummaa kutaa biyya Galiilaa keessa jiranitti lallabee, hafuurota hamootas namoota keessaa baase.

Yasuus Namicha Lamxaa'aa; Qulleessuu Isaa

40 Namni dhagni isaa lamxaa'e tokko gara Yasuus dhufee [jilbeenfatee], "Fedha kee yoo ta'e na qulleessuu in dandeessa" jedhee isa kadhate. ⁴¹ Ka­naaf Yasuus garaa laafeefii hiixatee qabee, "Fedheeraa qullaa'i!" ittiin je­dhe. ⁴² Achumaan namichi lamxii isaa irraa fayyee qullaa'e. ⁴³ Yommus Yasuus namicha cimsee of eeggachiisee, 44 "Beekkadhu, waan tokko illee na­matti hin himin! Garuu dhaqii luba of ilaalchisi, fayyuun kee hundumaattuu has mul'atuuf akka Museen abboo­mettis qullaa'uu keetiif kennaa kee dhi'eessi!" jedhee isa gad dhiise. ⁴⁵Namichi achii erga ba'ee booddee, waan baay'ee waa'ee isaatiif odees­suutti ka'ee, dubbii kana biyyaan ga'e. Kanaaf Yasuus lafa namni hin jirre bubbule malee, mul'inatti mandaratti galuu hin dandeenye; namoonnis iddoo hallee gara isaa in dhufu turan.

 

                                   Boqonnaa 2

 

Yasuus Namicha Dhagni Isaa Gar Tokko Du'e Fayyisuu Isaa
¹ Guyyaa muraasa booddee Yasuus deebi'ee Qifirnaahomitti gale; na­moonni immoo akka inni mana jiru dhaga'an. ²Balbaluma duraa iyyuu hamma iddoon dhibutti, namoonni baay'een walitti qabaman; Yasuus im­moo dubbii wangeelaa isaanitti in hima ture. ³Yommus jarreen tokko, nama dhagni isaa gar tokko duunaan afur ta'anii baatan, fidanii gara Yasuus dhu­fan. ⁴ Baay'ina namootaatiif gara Yasuusitti geessuu dadhabnaan, bantii mana [biyya sanaa isa kallattii Yasuus tureen diiganii erga saaqanii, siree namichi dhagni isaa gar tokko du'e irra ciisee jiru gad buusan. ⁵ Yasuus amantii jarreen kanaa yommuu arge, namicha isa dhagni isaa gar tokko du'een, "Ilma koo, cubbuun kee hundinuu siif dhiifa­meera" jedhe.

 

6 Barsiisonni seeraa warri achi taa'aa turan tokko, garaa isaanii kees­satti yaadaa turanii, ⁷ "Attamitti nami­chi kun akkas dubbata? Kun Waaqay­yoon arrabsuu isaa ti! Waaqayyo tok­kicha malee eenyutu cubbuu namaaf dhiisuu danda'a?" jedhan. ⁸ Yasuus achumaan garaa isaanii keessatti yaa­daa akka jiran hafuuraan hubatee, "Maaliif waan akkasii garaa keessa­nitti yaaddu? ⁹Kamtu salphaa dha? Namicha dhagni isaa gar tokko du'e sanaan, `Cubbuun kee siif dhiifameera' jechuu moo yookiis, `Ka'iitii siree kee fudhadhuu adeemi' jechuu? ¹⁰ Garuu ilmi namaa lafa irratti dhiifamuu cub­buu kennuudhaaf aboo akka qabu bee­kaa!" isaaniin jedhe. Isa dhagni isaa gar tokko du'een immoo, 11"Sittan hima, ka'iitii siree kee fudhadhuu ma­na keetti gali!" jedheen. ¹² Utuma isaan ilaalanii, namichi sun ka'ee, achumaan siree isaa fudhatee gad ba'e. Kana irratti hundumti isaanii fajajanii, "Kan akkasii kana takkaa arginee hinbeeknu" jechaa, Waaqayyoof hooqu­baa dhi'eessan.

Waamamuu Lewwii

13 Yasuus ammas gad ba'ee gara qarqara bishaanii dhaqe; namoonni hundinuu gara isaa dhufnaan, isaan barsiise. ¹⁴Inni utuu darbuu, Lewwii ilma Alfewos iddoo qaraxaa utuu taa'uu argee, "Na duukaa bu'i!" je­dheen. Kana irratti Lewwiin ka'ee, duukaa bu'e. ¹⁵Warri Yasuus duukaa bu'an namoota baay'ee waan turaniif, Yasuus mana Lewwii maaddiitti yom­muu taa'e, qaraxxoonnii fi warri akka seeraatti hin jiraanne baay'atanii, Yasuusii fi bartoota isaa wajjin maaddiitti in taa'an. ¹⁸ Fariisota keessaa barsiisota seeraa kan turan, Yasuus warra akka seeraatti hin jiraannee fi warra qarax­xuu wajjin nyaachuu isaa yommuu argan, "Inni attamitti warra qaraxxuu­dhaa fi warra akka seeraatti hin jiraan­nee wajjin nyaata?" jedhanii bartoota isaa gaafatan. ¹⁷Yasuus kana yommuu dhaga'e, "Namoonni fayyaan ogeessa qorichaa hin barbaadan, dhukkubsatoo­tatu barbaada malee; ani warra jireenya qajeeltoo jiraatan waamuu hin dhufne, warra cubbamoota waamuufan dhufe malee" isaaniin jedhe.

Gaaffii Waa'ee Soomiitiif Gaafatame

18 Bartoonni Yohannisii fi bar­toonni Fariisotaa in soomu turan; jarreen tokko immoo dhufanii Yasuusin, "Bartoonni Yohannisii fi bar­toonni Fariisotaa maaliif soomu? Bar­toonni kee immoo maaliif hin soo­man?" jedhan. 19 Yasuus immoo deebisee, "Dhirsi misirroo utuu isaa­nii wajjin jiruu, warri cidhaa soomuu danda'uu ree? Hamma dhirsa misir­roo of biraa qabanitti, soomuu hin danda'an. ²⁰ Guyyoonni dhirsi misir­roo isaan duraa itti fudhatamu dhu­fuuf jiru; egaa guyyaa sanatti in soomu. ²¹ Homtinuu erbee haaraa takkaa hin miicamin uffata moofaatti hin hodhu; kana yoo godhe erbichi haaraan uffata moofaa sana irraa in tarsaasa, tarsa'aan isaas isa duraa irra kan caalu in ta'a. ²² Akkasuma immoo daadhii waynii haaraa qodaa boso­saatti hin naqan; kana yoo godhan daadhichi qodicha in dhoosa, daadhi­chi, qodichis in badu. Egaa daadhii waynii haaraa qodaa jabaatti in naqu" isaaniin jedhe.

Gaaffii Waa'ee Sanbataa

23 Guyyaa Sanbataa tokko immoo Yasuus maasii qamadii keessa in darba ture; bartoonni isaas utuu adeemanii asheetii cirachuu jalqaban. ²⁴ Farii­sonni yommus, "Argitaa? Bartoonni kee guyyaa Sanbataatti gochuun see­raan kan dhowwame maaliif godhu?" jedhanii isa gaafatan. ²⁵ Yasuus deebi­see, "Daawit namoota isaa wajjin waan nyaatu dhabee yommuu beela'e, waan inni godhe isin takkaa hin dubbifnee ree? ²⁸ Innoo, bara Abiyaataar angafa lubootaa turetti, mana Waaqayyootti galee, buddeena ilaalchaa Waaqayyoof dhi'aates, luboota irraa kan hafe warri kaan nyaachuun seeraan dhowwamee kan ture nyaatee, namoota warra isaa wajjin turaniifis kenne" isaaniin je­dhe. ²⁷ Yasuus itti dabalee, "Sanbatatu namaaf uumame malee, namni Sanba­taaf hin uumamne. ²⁸ Egaa ilmi namaa Sanbata irratti iyyuu gooftaa dha" isaa­niin jedhe.

 

                                      Boqonnaa 3

Yasuus Namicha Harka Naafaa Fayyisuu Isaa

 ¹ Yasuus ammas mana sagadaa tokkotti of lixe; namni harki isaa tokko naafate immoo achi ture. ² Yommus jarri isa hadheessuudhaaf guyyaa Sanbataatti namicha kana fay­yisa yoo ta'e jedhanii, isa in gaadu turan. ³ Yasuus immoo namicha harkiisaa naafate sanaan, "Ka'ii gidduu dhaabadhu!" jedhe. ⁴ Jaraanis, "Seerri keenya guyyaa Sanbataatti gaarii moo hamaa gochuu yookiis lubbuu oolchuu moo ajjeesuu nu abbooma?" jedhe. Isaan garuu calluma jedhan. ⁵ Kana irratti aaree warra naanna' aa isaa jiran ilaalee, matajabina isaaniittis gaddee namichaan, "Harka kee diriirsi!" je­dhe. Yommuu namichi harka isaa diriirse, harki isaa deebi'ee in fayye. 6 Yommusuma warri Fariisotaa gad ba'anii warra garee Herodisii wajjin koratanii, attamitti akka isa balleessan mari' atan.

Namoonni Yasuus Duukaa Bu'uu Isaanii

7 Yasuus bartoota isaa wajjin jara biraa sokkee gara bishaan ciisaa dhaqe. Kutaa biyya Galiilaatii fi biyya Yihu­daatii namoonni sonaan baay'een isa duukaa dhaqan. ⁸ Waan inni hojjete hundumaa warri dhaga'an, mandara Yerusaalemii, biyya Edoomiyaatii, biyya Yordaanos gamaatii, naannoo mandaroota Xiiroosii fi Sidoonii so­naan baay'atanii gara isaa dhufan. ⁹ Innis, tuuti sun dhiibboodhumaan ak­ka isa hin buruqsinetti, bidiruun tokko qophaa'ee akka isa eeguuf bartoota isaatti hime. ¹⁰ Inni dhukkubsatoota baay'ee waan fayyiseef, warri dhukku­ba garaa garaa qaban hundinuu isa harkaan qabuudhaaf, hamma isa irratti wal caccabsanitti ga' an. ¹¹ Hafuuronni hamoonni[2]namoota keessa jiran ye­roodhuma isa arganitti, fuula isaa du­ratti kufanii, "Ati ilma Waaqayyoo ti" jedhanii in iyyu turan. ¹² Inni garuu akka isaan isa hin mul'ifnetti cimsee isaan ifate.

 

Yasuus Warra Kudha Lamaan Fo'achuu Isaa

13 Yasuus gara gaaraatti ol ba'ee, warra barbaades ofitti waame; isaanis gara isaa dhufan. ¹⁴ Isaa wajjin akka turaniif wangeela lallabuufis akka isaan erguuf, namoota kudha lama bartoota godhate; (isaan kana warri inni "Ergamoota" jedhee immoo waa­me). ¹⁵ Hafuurota hamoota baasuufis aboo akka isaan qabaatan godhe. ¹⁶ Warri kudha lamaan inni bartoota isaa godhate immoo, Simoon isa inni "Phexros" jedhee moggaase, ¹⁷ Yaa­qoobii fi Yohannis ilmaan Zabdewos warra inni "Bo'anerges" jedhee mog­gaase; kunis "Ilmaan qaqawwee" je­chuu dha. ¹⁸ Indriiyaas, Filiphos, Bartolomewos, Maatewos, Toomaas, Yaaqoob ilma Alfewos, Taadewos, Simoon isa "Hinaafticha" jedhamee beekame; ¹⁸ akkasumas Yihudaa nama biyya Keriyot, isa Yasuusin dabarsee kenne.

Yasuus Humna Maaliitiin Hafuurota Hamoota Akka Baasu

20 Yasuus gara manaatti yommuu gale, hamma innii fi bartoonni isaa buddeena illee nyaachuu dadhabanitti ammas tuuti namootaa walitti da­cha'an. ²¹ Firoonni isaa immoo kana dhaga'anii, "Innoo qalbii dabarse" je­dhanii, isa qabuudhaaf dhufan.

 

22 Barsiisonni seeraa warri Yeru­saalemii dhufan immoo, "Bi'el Zebul isa keessa jira; humna angafa Seexa­nootaa kanaanis hafuurota hamoota in baasa" jedhanii Yasuus irratti dubba­tan. ²³ Kana irratti inni gara ofii isaatti isaan waamee fakkeenyaan, "Attamitti Seexanni Seexana baasuu danda'a? ²⁴Mootummaan tokko ofii isaatii yoo gargar cabe, mootummaan sun dan­da'ee hin dhaabatu; ²⁵ maatiin mana tokkoos yoo ofittii gargar cabe, manni sun dhaabachuu hin danda'u. ²⁶ See­xannis ofii isaa irratti ka'ee yoo gargarcabe, badduu ba'uu isaa ta'a malee dhaabachuu hin danda'u. ²⁷ Duraan dursee namicha jabaa sana yoo hidhate malee, homtinuu mana nama jabaa tokko cabsee, lixee mi'a isaa saamuu hin danda'u; erga hidhatee booddee garuu dhuguma mana isaa saamuu in danda'a. ²⁸ Ani dhuguman isinitti hima, cubbuun hundinuu arrabsoon kam illee afaan namaa keessaa yoo ba'e, ilmaan namootaaf in dhiifama. ²⁹ Eenyu illee hafuura qulqulluudhaan mormee isa irratti yoo dubbate garuu, cubbuu bara baraatiin yakkaa ta'a malee, bara ba­raan dhiifamuu hin argatu" isaaniin jedhe. ³⁰ Kanas namoonni, "Innoo ha­fuura hamaa[3] of keessaa qaba" jedha­nii waan turaniif dubbate.

Haadha Yasuusii Fi Obboloota Isaa

31 Kana booddee haati Yasuusii fi obbolaan isaa dhufanii ala dhaabatanii, itti erganiis isa waamsisan. ³² Yeroo sanatti tuuti namootaa isatti naanna'a­nii in taa'u turan. Isaan, "Kunoo, haati kee, obbolaan kees alaa si gaafachaa jiru" ittiin jedhan. ³³ Inni garuu deebi­see, "Haati koo, obbolaan koos eenyu­fa'i?" isaaniin jedhe. ³⁴ Gara warra isatti naanna'anii taa'aniis ilaalee, "Haati koo, obbolaan koos warra as jiran kana. ³⁵Jaalala Waaqayyoo kan godhu eenyu iyyuu obboleessa koo ti, obboleettii koo ti, haadha koo tis" jedhe.

 

                                             Boqonnaa 4

Fakkeenya Namicha Sanyii Facaasuu

¹ Yasuus ciisa bishaanichaa bukkeetti ammas barsiisuu jalqabe. Tuuti isa biratti walitti qabame immoo sonaan baay'annaan, Yasuus bidiruu tokko yaabbatee, gara gidduu bishaa‑
niittis butatee barsiisuudhaaf taa'e; yommus namoonni hundinuu qarqara ciisa bishaanichaa turan. ² Yasuus barsiisa isaa keessatti fakkeenya garaa garaatiin waan baay'ee isaan barsiise. ³"Dhaggeeffadhaa! Namichi tokko sanyii facaasuudhaaf ba'e. ⁴ Inni utuu facaasuu kaan karaa bukkee bu'anii, simbirroonnis dhufanii funaananii nyaatan. ⁵Kaan immoo lafa dhagaa, lafa biyyoo baay'ee hin qabne irra bu'an; lafti isaan irra bu'an biyyoo gad fagoo waan hin qabneef dafanii biqi­Ian. ⁶Garuu yommuu aduun itti baate coollaganii, hidda gad fagoo waan hin godhatiniif in gogan. ⁷Kaan qoraattii keessa bu'an; qoraattonnis guddatanii isaan hudhan; isaanis ija hin godhanne. ⁸Kaan garuu biyyoo gaarii keessa bu'an; biqilanii, guddatanii, ijas godha­tan. Iji isaanii immoo kaan dachaa soddoma, kaan dachaa jaatama, kaanis dachaa dhibba ta'e!" jedhe. ⁹ Itti daba­lees, "Gurra ittiin dhaga'u kan qabu has dhaggeeffatu!" jedhe.

 Fakkeenyi MaaliifAkka Barbaachise

10 Yeroo Yasuus kophaa ta'etti, warri isa bira turan bartoota kudha lamaanii wajjin waa'ee fakkeenya ka­naa isa gaafatan. ¹¹ Yasuus immoo dee­bisee, "Dhoksaan mootummaa Waa­qayyoo isiniif kennameera; warra ala jiraniif garuu kun hundinuu fakkee­nyaan ta'a. ¹² Utuma ilaalanii akka hin argineef, utuma dhaga'aniis akka hin hub anneef, gara Waaqayyootti akka hin deebineef, cubbuun isaaniis akka isaaniif hin dhiifamneef, fakkeenyaan in kennama" isaaniin jedhe.

Hiikaa Fakkeenya Namicha Sanyii Facaasuu

13 Yasuus itti fufee, "Fakkeenyi kun isiniif hin galuu? Egaa attamitti fak­keenya kan ta'e hundumaa hubattu ree? ¹⁴Inni facaasu sanyii dubbii Waaqay­yoo facaasa. ¹⁸ Karaa bukkeen, fakkee­nya warra yommuudhuma dubbiin Waaqayyo facaafamu dhaga'anii, yom­musumas Seexanni dhufee dubbicha isa garaa isaanii keessatti facaafamebutatuu ti. ¹⁶ Lafti dhagaas, fakkeenya warra dubbichi garaa isaanii keessatti facaafame, yommuu isa dhaga'an gam­machuudhaan fudhatanii ti. ¹⁷ Isaan ak­ka biqiltuu hidda gad fagoo hin qab­neetti, yeroodhaaf in dhaabatu; sababii dubbichaatiif rakkinni yookiis ari'ata­muun yommuu ka'u garuu achumaan in gufatu. ¹⁸ Lafti qoraattii, fakkeenya warra dubbicha isa garaa isaanii kees­satti facaafame dhaga'anii ti. ¹⁹Yaad­doon biyya lafaa, gowwoomsaan soo­rumaa, kajeellaan adda addaas itti da­cha'anii, dubbicha huunaan ija utuu hin godhatin hafe. ²⁰ Lafti gaariin garuu, fakkeenya warra dubbicha isa garaa isaanii keessatti facaafame dhaga'anii, fudhatanii, kaan dachaa soddoma, kaan dachaa jaatama, kaanis dachaa dhibba ija godhatanii ti" isaaniin jedhe.

Fakkeenya Ibsaa Guuboo Jalaa

21 Yasuus ammoo, "Ibsaan guuboo jala yookiis siree jala kaa'amuuf in fidamaa ree? Baattuu ibsaa irra akka kaa'amuuf mitii ree? ²² Kan dhokate yoo jiraate, mul'achuudhaaf dhokate; dhoksaatti kan eegames yoo jiraate, bakkeetti ba'uuf eegame. 23Egaa, namni gurra ittiin dhaga'u yoo qabaate has dhaggeeffatu!" isaaniin jedhe. 24 Yommus Yasuus, "Isa dhagees­san akeekkadhaa! Qodaa safaraa itti namaaf itti kennitutti siif in kennama, caalchisees siif in kennama. 25Isa fudhatee waa qabuuf, itti dabalamee in kennamaaf, kennaa isaa of keessaa kan hin qabne garuu, innumti inni qabu iyyuu isa duraa in fudhatama" isaaniin jedhe.

Fakkeenya Sanyicha Isa Ofuma Isaatiin Guddatee

26 Yasuus itti fufee, "Mootummaan Waaqayyoo akka nama qotiisa isaatti sanyii facaafatee ti. ²⁷Namichi galee halkan in rafa guyyaas in ka'a; sanyi­chi immoo utuu inni hin beekin in biqila in guddatas. ²⁸Lafichi ofuma isaatiin duraan dursee biqilaa fi humna, itti aansees hudha, kana booddees ija guutuu in godhachiisa. ²⁹ Midhaanichi erga bilchaatee garuu yeroon haamaa waan ga'eef, achumaan haamtuu itti in erga" jedhe.

 

Fakkeenya Ija Mukaa Hundumaa Irra Xinnaatuu

30 Yasuus amma immoo, "Mootum­maa Waaqayyoo maalitti fakkeessinu? Yookiis isaaf fakkeenya maalii kenni­nu? ³¹ Inni akka ija sanaaficaa ti; yom­muu lafatti faca'u ija biqila lafaa hundumaa irra in xinnaata. ³² Inni yom­muu faca'u, biqilee in guddata, biqila hundumaa irra kan caalu ta'ee, damee gurguddaa in godhata. Simbirroonni dhufanii gaaddisa damee isaa jalatti mann'ee ijaarratu" jedhe.

 Fakkeenya Garaa Garaatiin Barsiisuu Isaa

33 Yasuus fakkeenyota baay'ee kana fakkaataniin hamma isaan dhaggeeffa­chuu danda'anitti dubbicha isaanitti hime. ³⁴ Inni fakkeenya malee isaanitti hin dubbanne, kophaatti immoo waan hundumaa bartoota warra kan isaatiif hiike.

 Yasuus Qilleensa Jabaa Gab Gochuu Isaa

35 Yasuus galgala gaafasii bartoota isaatiin, "Kottaa bishaan ciisaa kana gamatti ceenaa" jedhe. ³⁶ Bartoonni isaa namoota achi turan gad dhiisanii, akkuma inni bidiruu keessa jirutti Yasuusin fudhatanii adeeman; bidiroonni biraas immoo isaa wajjin dhaqan. Yommus qilleensi jabaan bubbisaa dhufe; dha'aan bishaanichaa immoo bidirichatti bu'ee, bishaan itti guu­tuutti ka'e. ³⁸ Yasuus garuu bidiricha keessa gara duubaatiin waa boraafatee in rafa ture. Bartoonni isaa isa dam­maqsanii, "Barsiisaa! Dhumuun kee­nya si hin dhibuu?" jedhan. ³⁹ Yasuusdammaqee qilleensicha ifatee, dha'aa bishaanichaan immoo, "Cal jedhi, gab jedhis!" jedhe. Kana irratti qilleensi­chi dhaabannaan gabiin guddaan ta' e. ⁴⁰ Kana booddee bartoota isaatiin, "Maaliif sodaatoo taatan? Amma iy­yuu amantii hin qabdanii?" jedhe. ⁴¹ Isaan immoo guddaa sodaatanii, "Namni kun eenyu? Qilleensaa fi bi­shaan in abbooma, isaanis isaaf in abboomamu" waliin jedhan.

 

                                  Boqonnaa 5

Yasuus Hafuura Hamaa Namicha Tokko Keessaa Baasuu Isaa

¹ Kana booddee isaan ciisa bishaa­nii gama, gara kutaa biyya Ger­geesaa[4]  dhufan. ²Akkuma Yasuus bidi­richa irraa bu'een, namni hafuurri ha­maan keessa ture tokko, iddoo awwaalaa keessaa ba'ee isatti dhufe. ³ Namichi kun awwaalota gidduu jiraa­te; homtinuus funyoodhuma sibiilaatiin illee isa hidhuu hin dandeenye. ⁴ Inni yeroo baay'ee funyoo sibiilaatii fi hi­dhaa harkaatiin hidhameera, garuu fu­nyoo sibiilaa of irraa in kukkuta, hi­dhaa harkaas in caccabsa ture. Kanaaf namni tokko illee gad isa garuu hin dandeenye. ⁵ Namichi kun yeroo hun­dumaa halkanii fi guyyaa awwaalota gidduutti, tulloota irrattis argamee in iyya, dhagaadhaanis of in rukuta ture. ⁶ Inni fagootti Yasuusin argee, gara isaatti fiigee jilbeenfatee Yasuusiif sa­gade. ⁷ Caraanaas sagalee guddaa­dhaan, "Yaa Yasuus ilma Waaqayyoo aabbaa, maal nattii qabda? Maaltus dhimma koo keessa si buuse? Hadaraa Waaqayyoo ana hin dhiphisin!" je­dhe. ⁸ Yasuus immoo, "Ati hafuura hamaa nana, namicha kana keessaa ba'i!" ittiin jedhee ture. ⁹ Yasuus, "Ma­qaan kee eenyu?" jedhee gaafannaan, hafuurichi immoo, "Maqaan koo duu­la, nuyi baay'ee dha" jedhee deebiseef. ¹⁰ Achumaanis hafuurota baay'ee sana biyya keessaa akka hin baafneef, ja­beessee Yasuusin kadhate.

 11 Dirree gaarichaa sana irra, ku­noo, hoomaan booyyee bobba'anii tu­ran. ¹² Hafuuronni hamoonni sun im­moo "Booyyota sanatti akka galluuf itti nu ergi!" jedhanii Yasuusin kadha­tan. ¹³ Yommus inni haa dhaqaniif isaan dhiise. Hafuuronni hamoonni namicha keessaa ba'anii booyyota sa­natti galan. Hoomaan akka booyyota kuma lamaatti lakkaa'aman sun, hal­layyaa irraa gad gara ciisa bishaaniitti konkolaatanii liqimfaman. ¹⁴ Yommus warri booyyee eegan baqatanii, kana warra mandara keessaa fi warra biy­yaattis odeessan. Namoonni immoo waan ta'e kana ilaaluudhaaf dhufan. ¹⁵ Yasuus bira ga'anii, namicha isa duu­la hafuura hamaadhaan qabamee ture sana wayyaa uffatee, qalbii isaattis deebi'ee achi taa'ee argan; hundumti isaaniis in sodaatan. ¹⁶ Duraan achi turanii, waan namicha hafuurri ha­maan keessa ture sanaaf ta'e, hoomaan booyyees maal akka ta'an warri argan, jara dhufanitti himan. ¹⁷ Yommus jarri, Yasuus kutaa biyya isaaniitii akka adee­muuf kadhatan. ¹⁸ Yasuus achii adee­muudhaaf bidiruu yaabbannaan, nami­chi hafuura hamaadhaan qabamee ture sun, "Sii wajjin nan adeema" jedhee isa kadhate. ¹⁹ Yasuus garuu, "Gara mana keetii fi lammii keetii dhaqi, waan gooftaan siif godhe hundumaa, attamittis akka si maare isaanitti hi­mi!" ittiin jedhe malee tole hin Jenne. ²⁰ Namichi achii adeemee mandaroota kurnanuu keessa naanna'ee waan Yasuus isaaf godhe hundumaa labse; hun­dinuus in dinqifatan.

Intala Yaayirosii Fi Dubartii Ishee Uffata Yasuus Tuqxe

21 Yasuus bidiruudhaan deebi'ee cii­sa bishaanichaa yommuu ce'etti, na­moonni baay'een gara isaatti walitti qabaman. Inni immoo qarqara bishaani­chaa ture. ²² Yommus warra geggeessi­tuu mana sagadaa keessaa tokko, ma­qaan isaa Yaayiros kan jedhamu dhufee, Yasuusin argee, miilla isaa jalatti kufee, ²³"Mucaan koo dhukkubsattee du'uuf jetti, akka isheen fayyitee jiraattuuf hadaraa kottuutii harka kee ishee irrakaa'i!" jedhee jabeessee kadhate. ²⁴Kanaaf Yasuus Yaayirosii wajjin in adeeme; namoonni baay'eenis isa dhii­sanii duukaa in bu'u turan.

 25 Dubartiin waggaa kudha lamaaf dhiigni ishee dhaabachuu diduudhaan rakkattu tokko immoo turte. ²⁶ Isheen ogeessota qorichaa biratti baay'ee dhi­phattee, waan qabdu hundumaas kanu­ma irratti fixxe; haa ta'u iyyuu malee, qooda itti fooyya'uu ittuma hammaataa adeeme. ²⁷ Isheen waa'ee Yasuus yom­muu dhageesse, namoota sana gidduu dugda isaa duubaan dhuftee uffata isaa tuqxe. ²⁸ Isheen, "Uffatuma Yasuus yoon tuqe illee nan fayya" jettee garaa isheetti yaaddee turte. ²⁹ Achumaan lolaan dhiiga ishee in cite; isheen immoo dhukkuba isheettii akka fayyite itti dhaga'ame. ³⁰ Yasuus yeroodhuma sana humni fayyisu isa keessaa akka ba'e beekee, namoota gidduudhaa ga­ragalee, "Eenyutu uffata koo tuqe?" jedhee gaafate. ³¹ Bartoonni isaa im­moo, "Akka namoonni si dhiiban utu­ma argituu, Tenyutu na tuqe?' jettee gaafattaa?" jedhaniin. ³² Yasuus garuu amma iyyuu nama isa tuqe arguudhaaf naannoo isaa ilaale. ³³ Kana irratti du­bartittiin waan isheedhaaf godhame hubattee, sodaachaa rom'aa dhuftee miilla Yasuus jalatti lafa dhoofte; dhu­gaa ishee hundumaas isatti himte. ³⁴ Yasuus immoo, "Yaa intala ko, aman­tiin kee si fayyiseera, nagaadhaan dha­qi, dhukkuba keettiis kan fayyite ta'i!" isheedhaan jedhe.

 35 Utuu Yasuus kana dubbachaa ji­ruu namoonni mana Yaayiros geggees­situu mana sagadaa sanaa, dhufanii, "Intalli kee duuteetti, si'achi immoo maaliif barsiisicha dhamaafta?" jedha­niin. ³⁶ Yasuus garuu, waan dubbatame sana homaattuu utuu hin fudhatin, geg­geessituu mana sagadaa sanaan, "Bin. sodaatin, amani duwwaa!" jedhe. ³⁷ Yasuus yommus Phexros, Yaaqoobii fi Yohannis obboleessa Yaaqoob mat lee, namni kan biraa isa duukaa mana namichaa akka dhaqan hin barbaanne.

³⁵ Gara mana geggeessituu sanaa yom­muu dhufan, Yasuus huursaa isaanii dhaga'ee, namoota boo'anii wawwaa­tanis arge. ³⁹ Inni manatti yommuu ol gale, "Maaliif huursitanii boossu? In­talattiin rafuutti jirti malee, hin duune" isaaniin jedhe. ⁴⁰ Isaanis itti kolfan. Inni garuu hunduma isaanii gad yaasee, abbaa intalattii fi haadha ishee warra isaa wajjin turanis fudhatee, iddoo reeffi intalattii jirutti ol gale. ⁴¹ Harka ishees qabee, "Xaaliitaa quumii!" je­dheen; kunis, "Intalo! Siinan jedha, ka'i!" jechuutti hi ikama. ⁴² Intalattiin si'uma sana kaatee asii fi achi adeemte; isheenis intala waggaa kudha lamaa turte. Yommus isaan guddaa gamma­danii of wallaalan. ⁴³ Yasuus immoo waan ta'e kana eenyu illee akka hin barre jabeessee isaan abboomee, "Wanta nyaatamu isheedhaaf kennaa!" jedhee isaanitti hime.

 

                                      Boqonnaa 6

Yasuus Naazireetitti Tuffatamuu Isaa

 ¹ Yasuus iddoo sana dhiisee adeemee, gara mandara kutaa biyya itti dhalatee dhaqe; bartoonni isaas isa duukaa dhaqan. ² Guyyaa Sanbataattis mana sagadaatti barsiisuu jalqabe. Warra isa dhaga' an keessaas baay'een raajeffatanii, "Wanti kun hundinuu eessaa dhufeef? Ogummaa attamiitu isaaf kenname? Hojii aangoo attam attamiitus harka isaatiin hojjetaman? ³ Kun muka soofticha ilma Maariyaam, obboleessa Yaaqoob, Yosees, Yihudaa fi Simoon mitii? Obboleettonni isaas as nu bira jiru mitii?" jedhanii isa ma­man. ⁴ Yasuus immoo, "Raajiin iddoo biraatti malee biyya isaatti, lammii isaa gidduutti, mana ofii isaattis ulfina hin argatu" isaaniin jedhe. ⁵ Harka isaa dhukkubsatoota muraasa irra kaa'ee isaan fayyise malee, kana irra kan caalu hojii aangoo achitti hojjechuu hin dandeenye. ⁶ Amantidhabina isaa­niitti garuu baay'ee dinqifate.Kana booddee inni barsiisaa gan­deen sana gidduu in deddeebi'e.

Yasuus Bartoota Kudha Lamaan Erguu Isaa

7 Yommus Yasuus warra kudha la­maan ofitti waamee, hafuurota hamoota irratti[5] aboo isaaniif kennee, lama la­maan isaan erge. ^BKaraadhaaf immoo ulee malee, buddeena, korojoo, waan tokko illee akka hin fudhanne, horiis akka hin baanne isaan abboome. ⁹ Kophee akka kaa'atan, qomee lama garuu wal irratti akka hin uffanne isaanitti hime. ¹⁰ Akkanumas, "Iddoo tokkoo hamma adeemtanitti manuma itti galtan keessa turaa; ¹¹ iddoo tokkotti yoo isin simuu dhaabaatan, yoo isin dhaga'uu didanis, akka dhugaa isaanitti ba'uuf yommuu achii adeemtan awwaara man­dara sanaa, miilla keessanittii dhadha'adhaa!" isaaniin jedhe. ¹² Akka­sitti warri kudha lamaan ba'anii, na­moonni yaada garaa isaanii akka geddaratan lallaban. ¹³ Isaanis hafuuro­ta hamoota baay'ee baasanii, warra dhukkubsachaa turanis baay' ee dha­dhaa dibataa dibanii, isaan fayyisan.

 

Ajjeefamuu Yohannis Cuuphaa

¹⁴Maqaan Yasuus bal'aatti beeka­mee waan tureef, Herodis mootichis waa'ee isaa dhaga'e. Kaan, "Yohannis cuuphaatu du'aa ka'e, kanaaf humni gurguddaan isaan hojjetamaa jiru" je­dhan. ¹⁵ Warri kaan, "Innoo Eliyaas" jedhan; kaan immoo "Raajiidhuma ak­ka raajota warra durii tokko" jedhan.¹⁶ Herodis waa'ee isaa yommuu dha­ga'e garuu, "Yohannis isa ani mataa isaa mursiisetu du'aa kaafame" jedhe. ¹⁷ Herodis waa'ee Herodiyaas haadha manaa obboleessa isaa Filiphosiif je­dhee, nama itti ergee Yohannisin qab­siisee hiisisee ture; Herodis ishee fuu­dhee ture. ¹⁸ Yohannis immoo Herodi­siin, "Haadha manaa obboleessa kee duraa fudhachuun kee seera miti" je­dhe. ¹⁹ Herodiyaas haalloo ittiin qa­battee, isa ajjeesuu in barbaaddi turte, garuu hin dandeenye. ²⁰ Yohannis na­ma qajeelaadhaa fi qulqulluu ta'uu isaa beekee, Herodis isa in sodaata waan tureef, isa in eegsisa ture. Yeroo dubbii isaa dhaga'e illee baay'ee walii wallaa­le; utuma ta'uu iyyuu gammachuu­dhaan isa dhaggeeffate.

 21 Guyyaa itti Herodis seenaa dha­lachuu isaatiif jedhee gurguddoota bultii biyya isaatii fi angafoota warra loltuutiif, kutaa biyya Galiilaa kees­saa warra beekamaniif nyaachisa go­dhe irratti, Herodiyaas fucha gaarii argatte. ²² Intalli Herodiyaas ol galtee yommuu sirbite, Herodisii fi keessum­moota isaa gammachiifte. Mootichi yommus intalattiidhaan, "Waanuma barbaadde na kadhadhu, anis siif nan kenna!" jedhe. ²³ Ammas, "Hamma walakkaa mootummaa kootiitti waa­numa ati na kadhattu siifan kenna" jedhee kakateef. ²⁴ Kana irratti inta­lattiin gad baatee, "Maal kadhadhu?" jettee haadha ishee gaafatte; isheen immoo, "Mataa Yohannis cuuphaa" jettee deebifteef. ²⁵ Kanaaf intalattiin yommusuma gara mootichaatti ariifat­tee ol galtee, "Akka ati tokkichumaan mataa Yohannis cuuphaa gabateetti anaaf laattu nan barbaada" jetteen. ²⁶ Kana irratti mootichi gar-malee in gadde; garuu sababii kakaa isaatii fi keessummoota isaatiif jedhee, isa ishee abdachiise sana arraba isaa ged­daruu hin barbaanne. ²⁷ Achumaan mootichi warra isa Began keessaa loltuu tokko ergee, mataa Yohannis akka fiduuf abboome; loltuun sun immoo dhaqee mana hidhaa keessatti mataa Yohannis mormatti irraa kute. ²⁸ Mataa isaa sanas gabateetti fidee intalattiidhaaf kenne; intalattiin im­moo haadha isheetiif laatte. ²⁹ Bar­toonni Yohannis kana yommuu dha­ga'an, dhaqanii reeffa isaa fuudhanii, awwaala keessa in kaa'an.

 

Yasuus Namoota KumaShan Nyaachisuu Isaa

30 Ergamoonni ergasii Yasuus bi­ratti walitti qabamanii, waan hojjeta­nii fi waan barsiisan hundumaa isatti himan. ³¹ Inni immoo, "Isin duw­waan anaa wajjin gara iddoo qoofniitti ba'aa, takkas boqodhaa!" isaaniin je­dhe. Namoonni baay'een in dhufu in adeemus; kanaaf nyaataaf illee yeroo hin qaban turan. ³² Yommus isaan kophaa isaanii bidiruudhaan gara id­doo qoofnii tokkoo dhaqan. ³³ Na­moonni utuu isaan adeemanii waan arganiif baay'een kana hubatan; warn mandaroota hundumaa keessaa dhu­fan, miillaan fiiganii, karaa lafaa naanna'anii, isaan duras iddoo sana in ga'an.

 

34 Yasuus qarqara bishaaniitti yom­muu bidiruu keessaa ba'utti, tuuta gobbuu arge. Isaan akka hoolota tiksee hin qabnee waan turaniif immoo isaa­niif in oo'e, waan baay'ees isaan barsiisuutti ka'e. ³⁶ Yeroo galga­laa'aa adeemetti immoo bartoonni isaa gara isaa dhufanii, "Kun lafa onaa dha, yerichi immoo sokkeera; ³⁶ gara manneenii fi gandeen nutti aanan ka­naa dhaqanii, waan nyaatan akka bita­taniif jara kana gad dhiisi!" jedhan. ³⁷ Inni garuu deebisee, "Isin ofii kees­sanii waan isaan nyaatan kennaar jedhe. Isaan immoo, "Dhaqnee meetii dhibba lamaan buddeena binnee has nyaataniif isaaniif kenninuu ree?" je­dhaniin. ³⁸ Kana irratti inni, "Buddee­na meeqa qabdu? Dhaqaatii ilaalaa!" isaaniin jedhe. Isaan immoo meeqa akka ta'e erga baranii, "Buddeena shanii fi qurxummii lama" jedhaniin. ³⁹ Yommus inni immoo, hundinuu ku­tata kutataan marga lalisaa sana irra akka taa'aniif abboome. ⁴⁰ Isaanis dhibba dhibbaan, shantama shanta­maanis kutataan taa'an. ⁴¹ Buddeenan shananii fi qurxummii lamaan fuudhee gara waaqaatti ol ilaalee, eebbisees. Buddeenan sana cabsee namootaaf ak­ka dhi'eessaniif bartoota isaatti kek­kenne; qurxummii lamaanis hunduma isaaniitiif hirsiise. ⁴² Isaan hundumti­nuu nyaatanii in quufan. ⁴³ Bartoonni isaa hurraa buddeennii fi qurxummii gundoo kudha lama guutuu fuudhan. ⁴⁴ Warri buddeena sana nyaatan immoo dhiironni duwwaan iyyuu kuma shan turan.

Yasuus Bishaan Gubbaa Adeemuu Isaa

45 Achumaanis Yasuus hamma ofii isaatii tuuta sana gad dhiisutti, bidiruu yaabbatanii isa dura gama Betsayi­daatti akka ce'an bartoota isaa giddisii­se. ⁴⁶ Tuuta sanatti erga nagaa dhaamee immoo kadhachuudhaaf gara gaaraatti of ba'e. ⁴⁷ Yommuu galgalaa'e bidi­ruttiin ciisa bishaanichaa walakkaa jir­ti; Yasuus garuu kophaa isaa bakkee ture. ⁴⁸ Bartoonni isaa bidiruudhaan utuu adeemanii qilleensi gara isaaniitti qilleensa'uu irraa kan ka'e, rakkachaa akka turan arge. Gara iyya indaanqoo isa lammaffaatti bishaan gubbaa adee­maa gara isaanii dhufe; isaan bukkee darbuus in barbaade. ⁴⁸ Bishaan gubbaa utuu adeemuu yommuu arganis ekeraa dha se'anii, iyyan. ⁵⁰ Hundumti isaa­nii isa arganii sodaatan. Inni garuu achumaan isaanitti dubbatee, "Jabaa­dhaa, innoo anaa, hin sodaatinaa!" jedhe. ⁵¹ I saanii wajjinis bidiricha yaabbate; qilleensichis dhaabannaan waanuma jedhan wallaalan. ⁵² S am­muun isaanii amma iyyuu duudee waan tureef, isaan dinqii inni buddeenan sanaan hojjeteen iyyuu hubachuu hin dandeenye.

Yasuus Genesaarexitti Dhukkubsatoota Fayyisuu Isaa

53 Yommuu ce'anis bakkee Gene­saarexitti lafatti ba'anii, qarqara bi­shaanichaattis bidiruu isaanii hidhatan. ⁵⁴ Akkuma isaan bidiruu keessaa ba'a­niM, namoonni, Yasuus akka ta'e baran. ⁵⁵Naanna'aa sanaa immoo asii fi achi fiiganii, iddoo inni ga'e jechuu dha­ga'an hundumaatti, namoota dhukkub­satan sireedhaan fiduutti ka'an. ⁵⁶ Gan­deen, mandaroota yookiis manneen in­ni dhaqe hundumaattis, dhukkubsatoo­ta lafa gabaa ciibsanii akka isaan shaashara wayyaa isaatii illee tuqaniif isa in kadhatu turan; hammi shaashara wayyaa isaa tuqan hundinuu in fay­yan.

 

                                Boqonnaa 7

 Abboommiin Waaqayyoo Seera Muka Abbootaa Caaluu Isaa

¹ Fariisonni yommus barsiisota seeraa Yerusaalemii dhufan tok­koo wajjin Yasuus biratti walitti qaba­man. ² Isaan kunis bartoota Yasuus kees­saa jarri tokko harka xuriitiin, innis akka seera isaaniitti harka dhiqachuu­dhaan utuu of hin qulleessin, akka buddeena nyaatan argan. ³ Yihudoota kan ta'an hundinuu, caalaadhumatti immoo warri Fariisotaa, barsiisa seera muka abbaa isaanii waan ulfeessaniif, harka isaanii bishaan kaballaa tokkoon utuu hin lola'atin hin nyaatan. ⁴ Yom­muu gabaadhaa galan utuu of hin qulleessin, akkasuma immoo wanta gabaadhaa dhufu utuu bishaan itti hin facaasin hin nyaatan. Isaan kana ma-lees seerri muka abbaa isaanii kan isaan ulfeessan baay'eetu jira; qodaa itti dhugan, qodaa bishaanii, qodaa sibiila diimaa irraa hojjetaman, [sirees] in dhiqu turan. ⁵ Kana irratti Fariison­nii fi barsiisonni seeraa, "Bartoonni kee akka seera muka abbaa keenyaatti jiraachuu dhiisanii harka xuriitiin maa­liif buddeena nyaatu?" jedhanii Yasuusin gaafatan.

 

6 Kanaaf Yasuus deebisee, "Isaayaas raajichi waa'ee keessan, waa'ee warra of hin arginee kanaa ba'eessa dubbate; `Sabni kun afaan isaatiin ulfina anaaf kenna, garaan isaa garuu baay'ee anattii fagoo dha. ⁷ Ana waaqessuun isaanii akkasumaan, abboommii namaa akka seera Waaqayyootti barsiisu' kan jedhu caafamee jira. ⁸ Isin abboommii Waaqayyoo dhiiftanii, seera muka ab­bootaatti qabamtan" isaaniin jedhe.

 9 Yasuus itti fufee, "Seera muka abbaa keessanii jabeessuudhaaf jettanii abboommii Waaqayyoo diiguudhaaf mala ba'eessa argattan. ¹⁰ Museenoo, `Abbaa keetii fi haadha keetiif ulfina kenni!' iddoo biraatti immoo, `Abbaa isaatii fi haadha isaa irratti hamaa kan dubbatu haa du'u!' jedheera. ¹¹ Isin immoo, namni abbaa isaa fi haadha isaa gargaaruuf ture tokko isaaniin, wanti na biraa isiniif kenname, waa'ee isiniif baasuuf ture, amma `Qurbaana ta'eera', kana jechuunis `Waaqayyoof kennameera' yoo jedhe `Ba'eessa go­dhe' jettu. ¹² Akkasitti inni deebi'ee abbaa isaatii fi haadha isaatiif waanu­ma tokko iyyuu akka hin goone karaa laattuuf. ¹³ Kana kan fakkaatan waan baay'ee gochuudhaan, seera muka ab­baa keessanii isa walitti dabarsitaniin dubbii Waaqayyoo busheessitu" isaa­niin jedhe.

 Wanti Nama Xureessu Maal Akka Ta'e Barsiisuu Isaa

14 Yasuus ammoo namoota ofitti waamee, "Isin hundumti keessan dub­bii koo dhaga'aa, hubadhaas! ¹⁶ Alaa kan namatti galu tokko illee danda'ee xuraa'aa nama hin godhu, wanti yaada garaa namaa keessaa ba'u garuu xu­raa'aa nama godha. [¹⁶ Gurra ittiin dhaga'u namni qabu haa dhaga'u!]" isaaniin jedhe. ¹⁷ Yasuus namoota dhii­see yommuu manatti gale, bartoonni isaa waa'ee fakkeenya sanaa isa gaafa­tan. ¹⁸ Inni yommus, "Isin immoo akkuma warra kaanii hin hubatin jir­tuu? Alaa kan namatti galu hundinuu xuraa'aa nama gochuu akka hin dan­deenye hin qalbifattanii ree? ¹⁵ Inni yaada garaa namaatti hin galu; mar'u­maanitti galee bakkeetti akka ba'u hin beektanii ree?" isaaniin jedhe. Kanaan nyaanni hundinuu qullaa'aa akka ta'e ibse.

 20 Yasuus itti fufee, "Isa yaada ga­raa namaa keessaa ba'utu nama xurees­sa. ²¹ Yaadni hamaan hundinuu keessa aada garaa namootaatii in ba'a; isaan immoo, halalummaa, hanna, nama aj­jeechaa, ²² ejjummaa, sassata, hammi­na, haxxummaa, gad dhiisa, weennoo, nama salphisuu, of tuulummaa, dagat­tummaa. ²³ Wanti hamaan kun hundi­nuu keessa yaada garaa namaatii ba'a­nii xuraa'aa nama in godhu" jedhe.

Amantii Dubartii Tokkoo

24 Yasuus achii adeemee naannoo mandara Xiiroos[6] dhaqee, mana tok­kotti in lixe. Yommus namni tokko iyyuu achi jiraachuu isaa akka hin barre barbaadee ture; haa ta'u iyyuu malee, dhokachuun isaaf hin dan­da'amne. ²⁵ Si'uma sana iyyuu dubar­tiin, intalli ishee hafuura hamaadhaan qabamte tokko, waa'ee isaa dhagees­see, dhuftee miilla isaatti kufte. 26 Dubartittiin nama kutaa biyya Fi­niiqee Sooriyaatti, afaan Griikii dub­battis turte; isheen hafuuricha hamaa intala ishee keessaa haa baasuuf Yasuusin in kadhatte. ²⁷ Yommus inni, "Dura ijoollonni nyaatanii haa quu­fan, buddeena ijoollotaa fuudhanii sarootaaf darbachuun ba'eessa miti" isheedhaan jedhe. ²⁸ Isheen garuu deebiftee, "Yaa gooftaa, saroonni iy­yuu hurraa maaddii ijoollotaa irraa harca'e in nyaatu" jetteen. ²⁹ Yasuus immoo, "Sababii akkas jettee dubbat­teef nagaatti dha qi, hafuurichi ha­maan intala kee keessaa ba'eera" isheedhaan jedhe. ³⁰ Kana irratti isheen gara manaatti galtee, mucaa ishee hafuurri hamaan keessaa ba'ee, siree irra ciiftee argatte.

Yasuus Nama Gurri Isaa Duudaa Fi Arrabni Isaa Didaa Tokko Fayyisuu Isaa

31 Kana booddee Yasuus kutaa biy­ya Xiiroosii ka'ee, karaa Sidoon ku­taa mandaroota kurnanii keessa ba'ee, ciisa bishaan Galiilaa dhaqe. ³² Jarreen tokko yommus nama gurri isaa duude, arrabni isaan dide tokko gara Yasuus fidanii, akka inni harka isaa irra kaa'uuf kadhatan. 33lnni namicha sana tuuta keessaa kophaatti baafatee, quba isaas gurra isaa keessa kaa'ee, tufee arraba namichaa in tu­qe. ³⁴ Gara waaqaatti of ilaalee, ga­raa isaatti gaddeefii, "Efaataa" ittiin jedhe; innis "Banami!" jechuu dha. 35 Si'uma sanatti gurri isaa banamee arrabni isaas hiikamee, qajeeltoottis dubbachuutti ka'e. ³⁶ Yasuus immoo kana nama tokkotti illee akka hin himne isaan abboome; isaan garuu utuma inni isaan abboomuu, itti caal­chisanii labsan. ³⁷ Isaan yommus hamma malee raajeffatanii, "Inni waan hundumaa ba'eessa godhe; war­ri duudan akka dhaga'an, warri arrab­ni isaanii dides akka dubbatan in godha" jedhan.

 

                                    Boqonnaa 8

Yasuus Namoota Kuma Afur Nyaachisuu Isaa

 ¹ Gidduu sanas tuuti sonaan baay'een deebi'anii walitti qaba­man. Isaan waan nyaatan dhabnaan, Yasuus bartoota isaa waamee isaanitti dubbatee, ² "Namoonni kun guyyaa sadan kana anaa wajjin turan, nyaatas waan isaan hin qabneef hunduma isaa­niif nan oo'a. ³ Akkuma beela'anitti gara mana isaaniitti yoon isaan erge, karaatti in kukkufu; isaan keessaa lafa fagootii kan dhufan jiru" jedhe. ⁴ Bar­toonni isaa immoo deebisanii, "Atta­mitti namni tokko as lafa onaa kanatti, namoota kana hundumaa buddeena nyaachisuu danda'a?" jedhaniin. ⁵ Ka­na irratti inni, "Buddeena meeqa qab­du?" jedhee isaan gaafannaan, isaan immoo, "Buddeena torba" jedhaniin. ⁶ Yommus lafuma sana akka taa'aniif namoota abboome. Buddeenan torban sana fuudhee Waaqayyoof galata gal­chee, cabsees namootaaf akka dhi'eessaniif bartoota isaatti kekken­ne; isaan immoo tuuta sanaaf dhi'ees­san. ⁷ Qurxummii xixinnoo muraasas qabu turan; Yasuus isas eebbisee na­mootaaf dhi'eessise. ^s Namoonni sun nyaatanii in quufan; hurraa isaan irraa hafes gundoo gurguddaa torba guutuu walitti qaban. ⁹ Kana booddee inni namoota sana gad dhiise; namoonni sun immoo akka kuma afurii turan. ¹⁰ Achumaanis bartoota isaatii wajjin bidiruu yaabbatee, gara kutaa biyya Daalmaanutaa dhaqe.

Warn Fariisotaa Milikkita Gaafachuu Isaanii

11 Yommus warri Fariisotaa dhufa­nii Yasuusin morkachuutti ka'an; isa qoruudhaafis milikkita waaqa irraa ak­ka isaan argisiisuuf isa gaafatan. ¹² In­ni garuu garaa isaatti gaddee hafuura dheeraa baafatee, "Dhaloonni si'anaa maaliif milikkita gaafata? Ani dhugu­man isiniin jedha, milikkinni dhaloota si'anaaf matumaa hin kennamu" je­dhe. ¹³ Isaan dhiisees ammoo bidiruu yaabbatee gara gamaatti sokke.

Yaada Fariisotaa Fi Yaada Herodis Irraa Of Eeggachiisuu Isaa

14 Bartoonni yommuu adeeman buddeena tokkicha bidiruu keessaa of biraa qabu turan malee, buddeena biraa fudhachuu hin yaadanne. ¹⁵ Yasuus isaan akeekkachiisee, "Ilaalladhaa! Raacitii warra Fariisotaa fi raacitii Herodis irraa of eeggadhaa!" jedhe. ¹⁶ Isaan immoo dudubbatanii, "Isa nuyi bud­deena hin qabneef akkas jedha" waliin jedhan. ¹⁷ Inni kana baree, "Maaliif waa'ee buddeena dhabuu keessaniitti hiiktanii dudubbattu? Isin amma iyyuu yaadatti hin fudhattanii yookiis hin hubattanii ree? Sammuu keessantu duudee? 1⁸1ja utuu qabdanii hin argi­tanii ree? Gurras utuu qabdanii hin dhageessanii ree? Hin yaadattanisii ree? ¹⁹ Yeroo ani buddeenan shanan namoota kuma shaniif cabse, hurraa isaa gundoo meeqa guutuu fuutan?" isaaniin jedhe; isaan immoo, "Kudha lama" jedhaniin. ²⁰ Itti fufee, "Yeroo ani buddeenan torban namoota kuma afuriif cabse immoo hurraa isaa gun­doo gurguddaa meeqa guuttanii fuu­tan?" jedheen; yommus isaan, "Torba" ittiin jedhan. ²¹ Yoos, "Isin amma iyyuu hin hubattanii?" isaaniin jedhe.

Yasuus Betsayidaatti Nama Jaamaa Tokko Fayyisuu Isaa

22 Kana booddee Betsayidaa dhu­fan. Achittis jarreen tokko namicha jaamaa tokko gara Yasuus fidanii, akka inni harkaan isa qaqqabuufis kadhatan. ²³ Kana irratti inni namicha jaamaa sana harka qabee ganda keessaa dii­datti baasee, ija namichaatti tuttufee, harka isaas irra kaa'ee, "Waa arguu in dandeessaa?" jedhee, gaafate. 24 Na_ michi immoo ilaalee, "Namoota arguu nan danda'a, akka adeemanis nan arga, garuu mukkeetii anatti fakkaatu" je­dhe. ²⁵ Inni ammas harka isaa ija nami­chaa irra kaa'e, yommus iji namichaa fayyee, hubatee ilaalee waan hundu­maas ba'eessa godhee arge. ²⁶ Kana booddee Yasuus, "Gandichatti hin dee­bi'in iyyuu" jedhee namicha gara mana isaatti erge.

Phexros Waa'ee Yasuus Dhugaa Ba'uu Isaa

27 Kana booddee Yasuus bartoota isaa wajjin ba'ee, gara gandeen naan­na'aa mandara Qiisaariyaa Filiphos dhaqe. Karaattis, "Namoonni eenyu anaan jedhu?" jedhee bartoota isaa gaafate. ²⁸ Isaan yommus, "Yohannis cuuphaa siin jedhu, kaan immoo Eli­yaas raajicha siin jedhu, kaanis raajota keessaa tokko siin jedhu" jedhanii deebisaniif. ²⁹ Inni immoo, "Isinoo, eenyu anaan jettu?" jedhee isaan gaa­fate. Phexros deebisee, "Ati Masiihi­cha" jedheen. ³⁰ Yeroo sanatti inni waa'ee isaa nama tokkotti illee akka hin himne cimsee isaan gorse.

 Yasuus Waa'ee Du'uu Isaatii Fi Du'aa Ka'uu Isaa Dubbachuu Isaa

31 Yasuusis, "Ilmi namaa maangud­dootaa fi luboota warra angafootaatiin, barsiisota seeraatiin guddaa dhipha­chuunii fi raawwatee tuffatamuun, du'atti kennamuun in ta'a; guyyaa sadii booddee garuu du'a keessaa in ka'a" jedhee isaan barsiisuutti ka'e. ³² Inni dubbii kana mul'inatti dubbate; Phex­ros immoo gara bukkeetti isa qabee, cimsee isa gorsuutti ka'e. ³³ Inni garuu garagalee bartoota isaas ilaalee, Phex­rosin ifatee, "Na duraa turi Seexana nana! Ati kan namootaa malee kan Waaqayyoo hin yaaddu" jedheen.

 34 Inni tuuta jaraa bartoota isaatii wajjin ofitti waamee, "Namni tokko illee ana duukaa bu'uu yoo barbaade, waa'ee ofii isaa dhiisee, fannoo isaa [isa anaaf jedhee baatu] of irra kaa'a­tee, ana duukaas has bu'u! ³⁵ Namni jireenya isaa oolfachuu yoo barbaade, jireenyi isaa duraa in fudhatama; nam­ni anaa fi wangeelaaf jedhee jireenya isaa kennu immoo, isa in oolfata. ³⁶ Namni biyya lafaa guutummaatti buufatee, lubbuu isaa garuu yoo dha­be, bu'aan isaa maali ree? ³⁷ Namni gatii lubbuu isaa maal kennuu danda'a ree? ³⁸ Nama dhaloota garagaggalaa­dhaa fi cubbamaa kana keessatti, anatti, dubbii koottis yeella'utti, ilmi namaa ulfina abbaa isaatiin qulqulloo­ta ergamootaa wajjin yommuu dhufu isatti in yeella'a" jedhe.

 

                                   Boqonnaa 9

 ¹ Kana booddee Yasuus, "Dhugu- ma, dhuguman isinitti hima, na­moota as dhaabatanii jiran keessaa, kaan utuu hin du'in, mootummaan Waaqayyoo humnaan dhufee arguuf jiru" jedhe.

Yasuus Ulfina Isaa Mul'isuu Isaa

2 Guyyaa ja'a booddees, Yasuus Phexrosii fi Yaapobin Yohannisinis fudhatee, of gara gaara dheeraa tok­kootti kophaatti isaan baase; inni bifa ulfina isaatiin isaanitti mul'ate.³ Uffanni isaas miiccituun lafa irraa akkas calaqsiisuu akka hin dandee­nyetti adii calaqqisaa ta'e. ⁴ Eliyaasii fi Museen achitti isaanitti mul'atanii, Yasuusii wajjin dubbachaa turan. ⁵ Phexros gidduutti, "Yaa barsiisaa! Asitti arga­muun keenya attam gaarii dha! Kottaa asitti godoo sadii, tokko siif, tokko Museedhaaf, tokkos Eliyaasiif in ijaar­raa" jedhee Yasuusitti dubbate. ⁶ Bar­toonni sun baay'ee sodaatanii waan turaniif, inni maal akka dubbatu hin beeku ture. ⁷ Yommus duumessi dhufee hunduma isaaniitti uffise; sagaleenis duumessicha keessaa dubbatee, "Kun ilma koo isa ani jaalladhu, isa dha­ga'aa!" jedhe. ⁸Bartoonni battaluma sana naannoo isaanii yommuu ilaalan Yasuusin duwwaa of biratti argan ma-lee, deebi'anii nama tokko iyyuu achitti hin argine.

9 Isaan gaaricha irraa utuu gad bu'uutti jiranii Yasuus, "Ani ilmi namaa du'ee warra du'an keessaa utuun hin ka'in, waan argitan nama tokkotti iy­yuu hin himinaa!" jedhee bartoota isaa abboome. ¹⁰ Isaan immoo dubbii isaa fudhatanii, "Warra du'an keessaa ka'uun maal inni?" jedhanii wal gag­gaafatan. ¹¹ Achumaanis, "Maaliif bar­siisonni seeraa, `Eliyaas dura dhufuutu ta'a' jedhu?" jedhanii Yasuusin gaafa­tan. ¹² Yasuus deebisee, "Waan hundu­maa iddootti deebisuudhaaf Eliyaas duraan dursee in dhufa illeetii, has ta'u iyyuu malee, ilmi namaa baay'ee dhi­phachuuf jira, tuffatamuufis jira, je­dhamee waa'ee kootiif attamitti caafa­me ree? ¹³ Ani garuu isinittan hima, Eliyaas dhufeera; akkuma waa'ee isaa­tiif caafamee jiruttis, jarreen tokko waanuma jaallatan isa irratti raawwa­tan" isaaniin jedhe.

 

Yasuus Gurbaa Hafuura Hamaatiin Qabame Fayyisuu Isaa

14 Isaan gara bartoota warra kaanii yommuu dhufan, namoonni baay'een isaanitti naanna'anii, barsiisonni see­raa tokkos isaanitti utuu falmanii ar­gan. ¹⁵ Namoonni hundinuu akkuma Yasuusin arganiin raajeffatanii, gara isaatti fiiganii nagaa gaafatan. ¹⁶ Inni immoo, "Maal isaanitti falmitu?" je­dhee isaan gaafate. ¹⁷ Yommus tuuta sana keessaa namni tokko deebiseefii, "Barsiisa! Ilma koo isa hafuura didaa­dhaan qabame gara keetti fideera. ¹⁸ Hafuurichis iddoodhuma isa qabutti lafaan isa dha'a; gurbichi immoo hoo­macha afaaniin in yaasa, ilkaan in qara, dhagni isaas qaratti in goga. Ani illee akka isaan hafuuricha baasaniif bartoo­ta kee gaafadheera; isaan garuu isa baasuu hin dandeenye" jedhe. 19Yasuus deebisee, "Isin yaa dhaloota hin aman­nee nana, hamma yoomiittan isin bira jiraadha? Hamma yoomiittis ba'aa anatti taatu? Gara kootti isa fidaa!" isaaniin jedhe.

 

20 Yommus isaan gurbicha gara Yasuusitti fidan. Hafuurichi immoo Yasuusin yommuu arge, gurbicha wixxifachiisee lafaan dha'ee, gangalachiisees hooma­cha afaaniin baase. ²¹ Yasuus, "Kun isa qabuun isaa erga yoomiitii?" jedhee abbaa gurbichaa gaafate. Inni immoo deebisee, "Mucummaa isaatii jalqabe. ²² Yeroo baay'ees isa balleessuudhaaf jedhee ibidda keessa, bishaan keessas buuseera; garuu waan tokko gochuu yoo dandeesse, nuuf oo'ii nu gargaari!" jedhe. ²³ Yommus Yasuus, "Yoo dan­deesse jettee? Nama amanuuf wanti hundinuu in danda'ama" jedheen. ²⁴Achumaan abbaan mucichaa sagalee isaa of fudhatee, "Nan amana, amantidhabina kootti na gargaari!" jedheen. ²⁵ Yasuus immoo namoonni akka itti dacha'an argee, hafuuricha hamaa[7] sana ifatee, "Ati hafuura didaadhaa fi duudaa nana! Sin abbooma, isa keessaa ba'i deebites itti hin galin!" ittiin jedhe. ²⁶ Hafuurichi mucicha iyyisiisee baay'ees erga wixxifachiisee booddee keessaa in ba'e; yommus gurbichi akka nama du'ee taanaan, namoonni baay'een "Du'eera" jedhan. ²⁷ Yasuus garuu harka gurbichaa qabee lafaa ol isa kaase, innis in ka'e. ²⁸ Yasuus erga manatti ol galee booddee, bartoonni isaa kophaatti, "Nuyi maaliif hafuuricha ha­maa sana baasuu hin dandeenye?" je­dhanii isa gaafatan. ²⁸ Inni immoo dee­bisee, "Inni akkasii kun kadhataan, [soomuudhaanis] malee, waan biraatiin baafamuu hin danda'u" isaaniin jedhe.

Yasuus Ammas Waa'ee Du'a Isaatii Fi Du'aa Ka'uu Isaa Dubbachuu Isaa

30 Ergasii isaan achii adeemanii kutaa biyya Galiilaa keessa darban; Yasuus immoo namni tokko illee kana akka beeku hin barbaanne. ³¹ Inni, "Ilmi namaa harka namootaatti dabar­famee in kennama, isaan isa in ajjeesu; inni garuu ajjeefamee guyyaa sadii booddee in ka'a" jedhee bartoota isaa barsiisaa ture. ³² Bartoonni garuu dubbii isaa hin hubanne, isa gaafa­chuus in sodaatan.

Inni Caalu Eenyu?

33 Kana booddee isaan Qifirnaa­horn in dhaqan. Erga mana ga'ee immoo Yasuus, "Karaa irratti maal walii wajjin dudubbachaa turtan?" je­dhee isaan gaafate. ³⁴ Isaan garuu, eenyutu caalinna laata, jedhanii karaa irratti walii wajjin dudubbachaa waan turaniif, calluma jedhan. ³⁸ Inni erga taa'ee, warra kudha lamaan ofitti waa­mee, "Namni dura ta'uu barbaadu nama hundumaa booddee ta'uutu irra jira, nama hundumaafis hojjechuutu irra jira" jedhe. ³⁶ Yeroo sanatti inni mucaa tokko ofitti waamee, isaan dura dhaabachiisee ofitti qabee ammatees; bartoota isaatiin immoo, ³¹ "Mucaa akkasii tokko aqaa kootiin kan simu ana sima, kan na simu immoo isa na erge in sima malee, ana simuu isaa miti" jedhe.

 

Namni Nuun HinMormine Gara Keenya

38 Yohannis yommus Yasuusiin, "Yaa barsiisaa, namni tokko utuu inni maqaa keetiin hafuura hamaa baasuu arginee, waan inni nu duukaa hin bu'iniif isa dhowwine" jedhe. ³⁹ Yasuus garuu, "Isa hin dhowwinaa, namni maqaa kootiin hojii aangoo hojjetee, dafee immoo waa'ee koo hamaa dubbachuu danda'u hin jiru'o. ⁴⁰ Namni nuun hin mormine gara keenya ta' a. ⁴¹ Ani dhuguman isinitti hima, isin kan Kiristoos waan taataniif namni bishaan dhugaatii willee tokko isinii kenne gatii isaa hin dhabu" jedhe.

 

Qorama Irraa Of Eeggachiisuu Isaa

42 Yasuus itti fufee, "Eenyu illee warra xixinnaa anatti amanan kana keessaa tokko gufachiisuu irra, dhagaan daakuu guddaan morma isaatti hidha­mee galaana keessatti utuu darbatamee isaa wayya ture. ⁴³ Harki kee yoo si gufachiise of irraa muri; harka lachuu qabaattee gara qilillee ibidda hin dhaamnee dhaquu kee mannaa, harku­ma tokko qabaattee jireenyatti galuu siif wayya. ⁴⁴Qilillee sana keessaa raammoon nama nyaatu hin du'u, ibiddi isaas hin dhaamu.] ⁴⁵ Miilli kee yoo si gufachiise of irraa muri; miilla lachuu qabaattee qililleetti darbatamuu kee mannaa, miilla tokko qabaattee jiree­nyatti galuu siif wayya. [⁴⁶ Qilillee sana keessaa raammoon nama nyaatu du'u, ibiddi isaas hin dhaamu.] ⁴⁷Iji kee yoo si gufachiise of keessaa baasi; ija lachuu qabaattee qililleetti darbatamuu kee mannaa, ija tokko qabaattee moo­tummaa Waaqayyootti galuu siif way­ya. ⁴⁸ Qilillee sana keessaa raammoon nama nyaatu hin du'u ibiddi isaas hin dhaamu.

 

49 "Hundumtinuu ibiddaan in mi­yaa'a [qalmis soogiddaan miyeeffa­ma]. ⁵⁰ Soogiddi waan ba'eessa, soo­giddi garuu miyaa yoo of keessaa dhabe, maaliin deebiftanii isa miyees­situ ree? Soogidda of keessaa qabaa­dhaa, walii keessaniifis nagaa qabaa­dhaa! " jedhe.

 

                                   Boqonnaa 10

Gaaffii Wal Hiikuu HaadhaManaa Fi Abbaa Manaa

¹ Yasuus iddoo sanaa ka'ee gara kutaa biyya Yihudaa fi gama Yordaanos dhaqe. Namoonni ammoo gara isaatti dachaanaan, akkuma amala isaatii inni isaan barsiise. ² Yommus warri Fariisotaa dhufanii isa qoruu­dhaaf, "Namni tokko haadha manaa isaa baasuun seeraa?" jedhanii gaafa­tan. ³Inni immoo deebisee, "Museen maal isin abboome?" isaaniin jedhe. ⁴Yommus isaan, "Museenoo `Caaffata ittiin ishee hiiku kenneefii yoo hiike in ta'a' jedheera" jedhan. <sup>5</sup> Yasuus garuu, "Sababii mata-jabina keessaniif inni abboommii kana isiniif caafe. <sup>6</sup> Jalqaba uumamaatti garuu, `Waaqayyo dhiira, dubartiis in uume;' ⁷ `Sababii kanaaf dhiirri abbaa isaa fi haadha isaa in dhiisa [haadha manaa isaattis in max­xana] ⁸ isaan lachanuus foon tokko in ta'u.' Egaa isaan lama miti, foon tokko malee. ⁹Kanaafis waan Waaqayyo walitti qabsiise, namni gargar hin baa­sin!" isaaniin jedhe.

 

10 Mana keessatti immoo bartoonni waa'ee dubbii kanaa isa gaafatan. "Inni immoo, "Eenyu illee haadha manaa isaa baasee kan biraa yoo fuu­dhe, ejjee, isheetti yakkeera; ¹² ishee­nis abbaa manaa ishee hiiktee kan biraatti yoo heerumte, in ejjiti" isaa­niin jedhe.

Yasuus Mucoolii Eebbisuu Isaa

13 Yasuus harka isaa akka isaan irra kaa'uuf namoonni tokko mucoolii gara isaatti in fidan; bartoonni immoo ifata­nii isaan dhowwan. ¹⁴Yasuus garuu yommuu kana arge aaree, bartoota isaatiin, "Lakkisaa mucooliin gara koo has dhufan, hin dhowwinaa! Mootum­maan Waaqayyoo warra akkasiitiif ta'a. ¹⁵Ani dhuguman isinitti hima, eenyu illee mootummaa Waaqayyoo akka mucaan simatutti kan hin siman­ne, itti hin galu" jedhe. 16Mucooliis ammatee harka isaas mataa isaanii irra kaa'ee isaan eebbises.

Gaaffii Sooressicha Tokkoo

17 Yasuus adeemuudhaaf karaa irra yommuu bu'utti, namichi tokko itti fiigee, fuula isaa durattis jilbeenfatee, "Yaa barsiisaa gaarii! Jireenya bara baraatti galuudhaaf maal gochuutu anaaf ta'a?" jedhee gaafate. 18Yasuus immoo, "Maaliif gaarii naan jetta? Waaqayyo isa tokkicha duwwaa malee, namni gaariin tokko illee hin jiru. ¹⁹Abboommiin, ajjeesin, hin ej­jin, hin hatin, sobaan nama irratti dhugaa hin ba'in, gowwoomsaadhaan hin fudhatin, abbaa kee fi haadha keef ulfina kenni!' akka jedhu in beekta" jedheen. ²⁰ Namichi immoo deebisee, "Barsiisa! Kana hundumaa ijoollum­maa kootii jalqabee raawwadheera" jedheen. ²¹ Yasuus ilaalee isa jaallatee, "Waan tokkotu si duraa hir'ata. Dha­qii, waan qabdu gurgurii, warra dee­gaadhaafis kenni, waaqa irratti badhaadhummaa in qabaatta; isa booddee immoo kottuu ana duukaa bu'i!" je­dheen. ²² Namichi kana yommuu dha­ga'e qabeenya guddaa qaba waan tu­reef, bifni isaa geddaramee, gaddees achii adeeme.

 

23 Yasuus yommus naannoo isaa ilaalee bartoota isaatiin, "Warra qa­beeyyiidhaaf mootummaa Waaqay­yootti galuun attam rakkisaa dha!" jedhe. ²⁴ Bartoonni isaa dubbii isaatti na'anii dinqifatan. Yasuus garuu am­mas, "Ijoollee! [Warri qabeenya isaa­nii amanatan] mootummaa Waaqay­yootti galuun attam dhiphuu dha! ²⁹ Sooressi tokko mootummaa Waaqay­yootti galuu irra, gaalli qaawwa lilmoo keessa ba'uutu salphata" jedhe. ²⁶ Kana irratti isaan gar-malee na'anii dinqifa­tanii, "Egaa eenyutu fayyuu danda'a ree?" jedhaniin. ²⁷ Yasuus immoo gara isaanii ilaalee, "Namootaaf hin dan­da'amu, Waaqayyoof garuu akkas miti; Waaqayyoof wanti hundinuu in dan­da' ama" jedhe.

 

28 Phexros kana irratti, "Kunoo, nuyi hundumaa dhiifnee si duukaa buu­neerra" jedheen. ²⁹ Yasuus immoo deebi­see, "Dhuguman isinitti hima, eenyu illee mana yookiis obboloota yookiis obboleettota yookiis haadha, yookiis abbaa yookiis ijoollee yookiis araddaa anaa fi wangeelaaf jedhee kan dhiise, ³⁰ bara jireenya isaatti ari'atamuudhaan yoo ta'e iyyuu manneen, obboloota, obboleettota, haadhota, ijoollota, arad­daas dachaa dhibba in argata, bara dhufuttis jireenya bara baraatti in gala. ³¹ Garuu baay'een warra dura jiran keessaa warra hundumaa booddee kan ta'an jiru, warra hundumaa booddee jiran keessaas warra duraa kan ta'an jiru" jedhe.

Yasuus Si'a Sadaffaa Waa'ee Du'a Isaatii Fi Waa'ee Du'aa Ka'uu Isaa Dubbachuu Isaa

32 Isaan gara Yerusaalem dhaquu­dhaaf karaa irra yommuu bu'an, Yasuus isaan dura in adeema ture. Bartoonni na'anii dinqifachaa, warri isaan duukaa bu'anis sodaachaa in adeemu turan. Inni immoo warra kudha lamaan am­mas kophaatti fuudhee, waan isatti dhufuudhaaf jiru isaanitti himuutti ka'e; ³³ "Kunoo, gara Yerusaalemitti of ba'uu keenya! Ilmi namaa luboota warra angafootaatti, barsiisota see­raattis dabarfamee in kennama; isaan immoo yakka du'aa itti muranii, saba Waaqayyoo warra hin ta'initti dabarsa­nii isa in kennu; ³⁴ jarri itti in ga'isu, itti in tufu, in reebu, in ajjeesus; inni immoo guyyaa sadii booddee du'aa in ka'a" jedhe.

Gaaffii Ilmaan Zabdewos

35 Yaaqoobii fi Yohannis ilmaan Zabdewos gara Yasuusitti dhi'aatanii, "Barsiisa! Waan nuyi si kadhannu akka nuuf gootu in barbaanna" jedhaniin. ³⁶ Inni immoo, "Maal akkan isiniif godhu barbaaddu?" isaaniin jedhe. ³⁷ Yommus isaan deebisanii, "Ulfina keetti abbaan tokko gara mirga kee inni kaan immoo gara bitaa kee akka teenyu nuuf kenni!" jedhaniin. ³⁸ Yasuus ga­ruu, "Waan kadhattan hin beektan! Xoofoo dhiphinaa ani keessaa dhuguuf jedhu keessaa dhuguu in dandeessuu? Cuuphaa ani ittiin cuuphamuuf jedhus cuuphamuu in dandeessuu?" isaaniin jedhe. ³⁹ Isaan immoo, "In dandee­nya" jedhaniin. Yasuus garuu, "Xoofoo ani keessaa dhuguuf jedhu keessaa dhuguuf jirtu, cuuphaa ani ittiin cuu­phamus cuuphamuuf jirtu. 40 Mirga koo yookiis bitaa koo taa'uu garuu kennuun kan koo miti; taa'umsi sun warra kanaan dura qopheeffameefiif ta'a" isaaniin jedhe.

41 Bartoonni warri kaan kurnan yommuu kana dhaga'an, Yaaqoobii fi Yohannisitti aaruutti ka'an. ⁴² Yasuus yommus gara isaatti isaan waamee, "Warri saba biyya lafa kanaa abboo­muutti beekaman, gooftummaadhaan akka isaan seerratan isin iyyuu in beektu; gurguddoonni isaaniis aboo isaanii isaan irratti argisiisu. ⁴³ Isin gidduutti garuu akkas hin ta'u; eenyu illee isin keessatti guddaa ta'uu kan barbaadu, hojjetaa keessan ta'uutu isa irra jira. ⁴⁴ Eenyu illee isin keessaa dura ta'uu kan barbaadu, hundumaaf garbicha ta'uutu isa irra jira. 4511mi namaa hojjechiifachuudhaaf hin dhuf­ne, namootaaf hojjechuu fi lubbuu isaa

furii namoota baay'eetiif kennuuf dhu­fe malee" jedhe.

Yasuus Barxiimewos Isa Jaamaa Fayyisuu Isaa

46 Ergasii isaan Yerikoo dhufan. Yeroo Yasuus bartoota isaatii fi tuuta sonaan baay'ee wajjin Yerikoodhaa ba'ee adeemuuf jedhetti, Barxiimewos ilmi Ximeewos, namichi jaamaan tok­ko, karaa bukkee taa'ee in kadhata ture. ⁴⁷Yasuus nama biyya Naazireet ta'uu isaa yommuu dhaga'e, iyyee, "Yasuus! Ilma Daawit na maari!" jedhe. ⁴⁸Namoonni  baay'een calluma jechisii­suudhaaf isa ifatan; inni garuu ittuma caalchisee iyyee, "Ilma Daawit, na maari!" jedhe. ⁴⁸ Yasuus yommus dhaa­batee, "Waamaa!" jedhe. Isaan immoo namicha jaamaa sana waamanii, "Ja­baadhu, ka'i! Si waama!" jedhaniin. ⁵⁰Kanaaf inni wayyaa isaa of irraa darbatee, utaalee ka'ee, gara Yasuus dhufe. ⁵¹ Yasuusis, "Maal akkan siif godhu barbaadda?" jedheen. Namichi inni jaamaan immoo deebisee, "Agar­tuu koo akka anaaf deebiftu, yaa bar­siisaa!" jedheen. ⁵²Yasuus immoo, "Karaa kee dhaqi, amantiin kee si fayyiseera!" jedhe. Achumaanis agar­tuun isaa deebi'eefii, karaattis isa duu­kaa bu'e.

                                   Boqonnaa 11

Yasuus Milikkita Ulfinaan Yerusaalemitti Galuu Isaa

¹ Isaan Yerusaalemitti galuudhaaf Betfaageedhaa fi Bitaaniyaatti, gaara ejersaattis yommuu dhi'aatan, Yasuus bartoota isaa keessaa lama ergee, ²"Ganda fuullee keessan jiru sana dhaqaa, achumaanis akkuma gandichatti galtaniin ilmoo  harree [yaabbii] hidhamee jiru, homtinuu takkaa kan hin yaabin in argitu, hiikaatii fidaa. ³ Namni, `Maaliif kana gootu?' yoo isiniin jedhe, `Gooftaatu dhimma isaa qaba, inni utuu hin turin iddoodhu ma kanatti in deebisa' ittiin jedhaa!" isaaniin jedhe.

4 Bartoonni yommus dhaqanii iimoo harree [yaabbii] karratti hidhame, karaa irratti argatanii hiikan. ⁵ Warra achi dhaabatan keessaa immoo jarri tokko, "Maal gootu ilmoo harree kana hiiktu?" isaaniin jedhan. 6Bartoonni immoo isa Yasuus jedhe isaanitti him­naan, jarri isaan dhiisan. ⁷ Ilmoo harree sanas Yasuusiif fidanii, uffata isaanii irra buusan; innis irra taa'e. ⁸ Namoon­ni baay'een uffata isaanii, warri biraa immoo damee baala-qabeessa bakkee­dhaa kukkutanii karaa inni irra darbu irra afan. ⁹Warri dura adeemanii fi warri duukaa bu'an sagalee isaanii ol fudhatanii, "Hosaa'inaa! Inni maqaa Waaqayyo gooftaatiindhufu galateeffamaa dha. ¹⁰ Mootummaan Daawit abaabilii keenyaa inni dhufu galateeffamaa dha! Hosaa'inaa ol waama gubbaatti" jedhan.

 11 Yasuus Yerusaalemitti mana qul­qullummaatti galee waan hundumaa ilaale; galgalaa'uus jalqabnaan bartoo­ta kudha lamaanii wajjin gara Bitaani­yaatti ba'e.

 Yasuus Harbuu Tokko Irraa Ija Dhabuu Isaa

12 Borumtaas isaan Bitaaniyaa­dhaa yommuu ba'an Yasuus in beela'e. ¹³Muka harbuu baala qabu tokkos fagootti argee, ija irraa argadha laa­taa? jedhee dhaqe. Inni mukicha bira ga'ee baala malee waanuma tokko irraa dhabe; yeroon isaa yeroo harbuun ija itti godhatu hin turre. 14Yasuus yommus mukichaan, "Homtinuu dee­bi'ee ija si irraa hin nyaatin bara baraan" jedhe; bartoonni isaas kana jechuu isaa dhaga'an.

 Yasuus Mana Qulqullummaa Keessaa Warra BiteeGurguru Oofuu Isaa

15 Isaan Yerusaalemin in ga'an; Yasuus yommus mana qulqullummaatti galee warra mana qulqullummaa kees­satti bitanii fi warra gurguran gad baasuutti ka'e, gabatoota warra horii callaa gegeddaraniitii fi taa'umsa war­ra gugee gurguranii gad garagalche. ¹⁶ Homtinuu mi'a baatee mana qulqul­lummaa keessa ba'ee akka adeemuuf karaa hin laanneef. ¹⁷ Yasuus isaan bar­siisee, "`Manni koo saba hundumaatiif mana kadhataa jedhamee in waamama' kan jedhu hin caafamnee ree? Isin garuu holqa hattuu isa godhattan" isaa­niin jedhe.

 18 Luboonni warri angafoonnii fi barsiisonni seeraas waa'ee dubbii ka­naa dhaga'anii, karaa ittiin isa ballees­san barbaadan; barsiifni isaa garaa namoota hundumaa rukutee waan tu­reef, isa in sodaatu turan. ¹⁹ Yommuu galgalaa'es Yasuusii fi bartoonni isaa mandaricha keessaa ba'an[8].

 Yesuus Goguu Harbuu Sanaatiin Qabee Barsiisuu Isaa

20 Ganama obboroodhaan utuu dar­banii harbuun sun hundeedhumaan ak­ka goge argan. ²¹Phexros yommus waan ta'e yaadatee, "Barsiisa! Ilaa harbuun ati abaarte gogeera" jedhe. ²² Yasuus immoo deebisee, "Waaqay­yotti amantii qabaadhaa! ²³ Dhuguman isiniin jedha, namni garaa isaatti utuu hin mamin gaara kanaan, '01 kaafami, galaanattis darbatami!' jedhe, waan in­ni jedhus akka ta'uuf yoo amane, in ta'aaf. ²⁴ Kanaaf isinittan hima; waan kadhattan waan gaafattanis hundumaa akka waan fudhataniitti lakkaa'aa ama­naa, isiniif ta'uufis jira! ²⁵ Kadhachuuf yommuu dhaabattan, abbaan keessan inni waaqa irraa yakka keessan akka isiniif dhiisutti, namni tokko waa isi­nitti yakkee yaada keessan miidheera yoo ta'e dhiisaaf! [²⁶ Isin yoo dhiisuudhaabaattan garuu abbaan keessan inni waaqa irraas yakka keessan isiniif hin dhiisu]" jedhe.

Gaaffii Waa'ee Gooftummaa Yasuusiif Dhi'aate

27 Isaan ammas Yerusaalem dha­qan; Yasuus mana qulqullummaa keessa utuu deddeebi'uu, luboonni warri an­gafoonnii fi barsiisonni seeraa maan­guddoonnis gara isaa dhufan. ²⁸ Yasuusiin, "Gooftummaa maaliitiin kana hundumaa goota? Yookiis kana hundu­maa akka gootuuf eenyutu gooftummaa kana siif kenne?" jedhan. ²⁹ Yasuus immoo deebisee, "Ani dubbii tokkon isin gaafadha, anaaf deebisaa! Anis gooftummaa maaliitiin kana hundumaa akkan godhu isinitti nan hima. ³⁰Cuu­phaan Yohannis cuuphe Waaqayyo bi­raa moo, nama biraa abboomame? Anaaf deebisaa!" isaaniin jedhe. ³¹ Isaan yommus walitti dudubbatanii, "`Waaqayyo biraa' yoo jenne, 'Yoos immoo maaliif dubbii isaa hin amanin ree?' nuun jedha; <sup>32</sup> egaa attamitti, `Nama biraa abboomame' jenna ree?" jedhan. Namoonni hundinuu Yohanni­sin raajiitti waan fudhataniif tuuta ja­raa in sodaatu turan. ³³ Kanaaf, "Nuyi hin beeknu" jedhanii Yasuusiif deebi­san. Yasuus immoo, "Egaa anis kana hundumaa gooftummaa maaliitiin ak­kan godhu isinitti hin himu" isaaniin jedhe.

 

                                 Boqonnaa 12

 

Fakkeenya Warra Muka Waynii Akka Eeganiif Itti Kennamee

¹Yasuus fakkeenyaan isaanitti dubbachuutti ka'e; "Namni tokko mukkeetii waynii baay'ee lafa isaa irra dhaabe. Naannoo isaatti dallaa dhagaa ijaaree, boolla isa keessatti ija isaa cuunfan qotee, siree irra taa'anii eegan ijaare. Namoota hojjetanii eeganii, isaa wajjin ija isaa irraa hirmaatanitti kenna­tee, biyya tokko dhaqe. ²Yeroon isaa yommuu ga'e, ija mukkeetii waynichaa irraa waa biraa argachuudhaaf hojjetaa isaa gara warra waynicha eeganiitti erge. ³lsaan garuu hojjeticha qabanii, reebanii harka isaa duwwaa isa gad dhiisan. ⁴Ammas hojjetaa kan biraa isaanitti erge; isaan immoo mataa isaa mammadeessanii, isa salphisan. ⁵Am­mas kan biraa itti erge, isa immoo in ajjeesan. Akkanumas kan biraa baay'ee itti erginaan, kaan reebanii, kaan immoo ajjeesan. ⁶Amma illee nama tokko qaba ture, innis ilma isaa isa jaallatamaa dha. Dhuma irratti, 'lima koo safeeffachuuf jiru' jedhee, isa gara isaaniitti erge. ⁷Warri waynicha eegan sun garuu, `Isa kana abbaa waynichaa kan dhaalu, kot­taa isa in ajjeefnaa, dhaalli isaas nuuf in ta'a!' waliin jedhan. ⁸Akkasitti butanii, isa ajjeesanii, reeffa isaa dhaabaa way­nichaa keessaa gad baasanii gatan.

 

9 "Abbaan waynichaa maal godha laata ree? In dhufa, warra eegduu in balleessa, waynicha immoo kan biraatti in kennata.¹⁰ Isin caaffata qulqullaa'aa keessaa hin dubbifnee ree? `Dhagichi, mana ijaartuun tuffatan, inni dhagaa mataa goleeqajeelchu ta'e; ¹¹ kun gocha gooftaa ti, ija keenyattis dinqii dha' kan jedhu caafameera" jedhe. ¹²Yommus fakkeenya kana waa'ee isaaniitiif akka dubbate waan baraniif, Yasuusin qabuu yaalan; garuu tuuta sana sodaatanii, isa dhiisanii adeeman.

Gaaffii Waa'ee Mootii Gabbaruu

13 Waan inni dubbatuun isa qabuu­dhaaf jedhanii warra Fariisotaa fi garee Herodis keessaa jara tokko Yasuusitti ergan. ¹⁴ Warn ergaman dhufanii, "Yaa barsiisaa! Ati dhuga-qabeessa akka taate nuyi in beekna, nama tokko illees hin sodaattu, karaa Waaqayyoo dhugaadhaan barsiifta malee, nama wal hin caalchiftu. Egaa mootii warra Roo­maaf gibira baasuun seera moo seera miti? Gibira baafnuufi moo dhiifnu?" jedhaniin. ¹⁸ Inni garuu of arguu dhabi­na isaanii baree, "Maaliif na qortu? Horii ittiin bittanii gurgurtan tokko naa fidaa, nan ilaalaa!" ittiin jedhe. ¹⁶ Isaan yommus tokko itti fidan; inni immoo, "Kun bifa eenyuu ti? Caaffata eenyuu tis?" jennaan, isaan immoo, "Kan mootii Roomaa ti" ittiin jedhan. ¹⁷ Ka­naaf Yasuus, "Yoos immoo mootichaaf, kan fudhachuun isaaf ta'u kennaa, Waaqayyoofis kan fudhachuun isaaf ta'u kennaa!" isaaniin jedhe; kana irratti isaan isa raajeffatan.

Gaaffii Waa'ee Du'aa Ka'uu

18 Ergasii Saduqoonni warn du'aa ka'uun hin jiru jedhan gara Yasuus dhufanii, gaaffii isa gaafatan. ¹⁹ "Yaa barsiisaa! `Namni tokko niitii fuudhee dhala utuu hin godhatin ishee irraa yoo du'e, obboleessi isaa niitii sana fuu­dhee sanyii obboleessa isaatiif has dhaabu!' jedhee, Museen seera kees­satti nuuf caafeera. ²⁰ Obboloota tor­batu turan; inni angafni niitii fuudhe; yeroo du'e garuu dhala hin godhanne. ²¹Inni lammaffaanis ishee fuudhee, utuu dhala hin godhatin du'e; inni sadaffaanis akkasuma ishee fuudhee irraa du'e. ²²lsaan torbanuus dhala hin godhanne; hundumaa booddee immoo dubartittiin in duute. ²³lsaan torbanuu niitummaatti ishee fuudhaniiru'otii, guyyaa warri du'an ka'anitti isaan keessaa isa kamiif haadha manaa ta'uuf jirti ree?" jedhan.

 

24 Yasuus deebisee, "Akkas dubba­chuu keessaniin irraa kaattaniittu; kunis caaffata qulqullaa'aa yookiis humna Waaqayyoo isa isin hin beekne kanaaf, mitii ree? ²⁸ Yeroo du'aa ka'anitti akka ergamoota Waaqayyoo warra waaqa keessaa in ta'u malee, hin fuudhan, hin heerumanis. ²⁶ Waa'ee warri du'an kaa­famuu garuu macaafa Musee keessaa hin dubbifne moo ree? Inni waa'ee daggala boba'uu yommuu dubbate, Waaqayyo Museedhaan maal akka je­dhe in hima, `Ani Waaqayyo isa kan Abrahaam, Waaqayyo isa kan Yisihaq, Waaqayyo isa kan Yaaqoobis' jedhe. ²⁷ Inni Waaqayyo warra du'anii miti, Waaqayyo warra jiraatanii ti malee; kanaaf baay'ee irraa kaattaniittu" isaa­niin jedhe.

Abboommii Keessaa Isa Caalu

28 Barsiisota seeraa keessaa tokko yeroo isaan waliin morkatan dhaga'ee, Yasuus deebii gaarii akka deebiseef yom­muu arge gara isaatti dhi'aatee, "Ab­boommiin inni hundumaa irra caalu isa kam?" jedhee, gaaffii isa gaafate. ²⁹Yasuus deebisee, "Inni hundumaa irra caalu, `Dhaga'i, yaa Israa'el! Gooftichi Waa­qayyo keenya kophaa isaa gooftaa dha. <sup>30</sup>Atis Waaqayyo kee goofticha garaa kee guutuudhaan, jireenya kee guutuu­dhaan, yaada kee guutuudhaan, humna kee guutuudhaanis jaallachuutu siif ta'a'! <sup>31</sup> Inni lammaffaan immoo `Na­ma, akka mataa keetiitti jaallachuutu siif ta'a'! isa jedhuu dha. Abboommiin isaan kana irra caalu kan biraa hin jiru" jedhe. ³²Barsiisichi seeraa sun immoo, "Ba'eessa dubbatte yaa barsiisaa! `Inni tokkicha, isa malee kan biraa hin jiru' isa jette dhugaa dubbatte. ³³Isas garaa guutuudhaan, qalbii guutuudhaan, hum­na guutuudhaanis jaallachuun, nama ak­ka mataa ofiitti jaallachuun, guutummaa qalma gubamuu fi aarsaa hundumaa irra guddaa in caala" jedheen. ³⁴ Ogummaa­dhaan akka inni deebiseef yommuu ar­ges Yasuus, "Ati mootummaa Waaqay­yoottii fagoo miti" ittiin jedhe. Kana booddees namni tokko illee gaaffii isa gaafachuudhaaf ija hin jabaanne.

29-30 Kes 6:4-5; 31 Lew 19:18; Rom 13:9; Gal 5:14; Yaq 2:8; 32 Kes 4:35; 33 1Sam 15:22; Hos 6:6;  34 Mat 22:46; Lug 20:40

Gaaffii Waa'ee Kiristoos Isa Abdachiifamee
(Mat 22:41-46; Luq 20:41-44)

35 Mana qulqullummaa keessattis utuu barsiisuu Yasuus, "Attamitti bar­siisonni seeraa `Masiihiin ilma Daa­wit' jechuu danda'u? ³⁶ Daawit ofii isaatii immoo hafuura qulqulluudhaan geggeeffamee,

`Gooftichi gooftaa kootiin, diinota kee miillan kee jala

hamma ani siif kaa'utti
gara mirga koo taa'i! jedheera' jedhe.

Egaa Daawit ofii isaatii `Gooftaa koo' jedhee erga isa waamee, attamitti immoo ilma isaa ta'a ree?" jedhe. Yommus tuuti sonaan baay'een gam­machuudhaan isa in dhaggeeffatu turan.

Yasuus Barsiisota Seeraattii Of Eeggachiisuu Isaa

38 Barsiisa isaa keessatti immoo Yasuus, "Barsiisota seeraa warra way­yaa dhedheeraa uffatanii lafaan haraa naanna'an, gabaa keessattis namoonni gugguufanii akka nagaa isaan gaafatan jaallatan, ³⁹ akkasumas mana sagadaa keessaa taa'umsa olaanu, lafa ci­dhaattis iddoo ulfinaa warra fo'atan irraa of eeggadhaa! ⁴⁰ 1saan kun warra fucha eeggatanii bultoo haadha hiy­yeessaa duraa fixanii, fakkeessaadhaaf immoo kadhata isaanii dheeressanii dha. Egaa isaan kanatti yakka caalaatu itti murama" jedhe.

Yasuus Buusii Haadha Hiyyeessaa Tokko Arguu Isaa

⁴¹ Al tokko Yasuus fuullee qodaa buusii taa'ee, yeroo namoonni horii qodaa buusii sana keessa buusan in ilaala ture; namoonni warri badhaa­dhonni baay'een horii baay'ee keessa buusan. ⁴² Haati hiyyeessaa tokkos dhuftee, horii sibiilaa diddiimtuu kan akka saantiima lamaa qodicha keessa buufte. ⁴³ Yommus inni bartoota isaa ofitti waamee, "Dhuguman isinitti hima! Haati hiyyeessaa kun warra qodaa buusii sana keessa horii buusanhundumaa caalaa buufteetti. ⁴⁴ Isaan kun hundinuu bultoo isaanii irraa hafee kan kaa'atan keessaa qodaa buusii keessa buusan; isheen kun ga­ruu danuu hiyyuma ishee keessaa, bultoo isheetiif waan qabdu hundu­maa qodicha keessa buufte" jedhe.

 

                                 Boqonnaa 13

 

Yasuus Waa'ee Diigamuu Mana Qulqullummaa Dubbachuu Isaa

 ¹ Akkuma Yasuus mana qulqul­lummaa keessaa ba'een, bar­toota isaa keessaa inni tokko, "Barsii­sa, mee dhagaa gurguddaa kana, ijaarsa babba'eessa kanas ilaali!" ittiin jedhe. ²Yasuus deebisee, "Ijaarsa gurguddaa kana ilaaltaa? Iddoo kanatti dhagaan in diigama malee, tokko illee wal irratti hin hafu" jedheen.

2 Luq 19:44

Yasuus Waa'ee Rakkinaa FiAri'atamuu Dhufuuf Jiruu Dubbachuu Isaa

3 Yasuus gaara ejersaa gubbaa gara mana qulqullummaatti garagalee utuu taa'uu, Phexros, Yaaqoob, Yohannisii fi Indriiyaas kophaatti isa gaafatan, ⁴"Nutti himi, kun yoom ta'a? Wanti kun hundinuu yommuu raawwata­muuf jedhu immoo milikkinni isaa maali?" jedhan. ⁵ Yasuus immoo, "Homtinuu akka isin hin wallaalchif­netti akeekkadhaa! ⁶ Baay'een, `Ani Kiristoos' jechaa maqaa kootiin in dhu­fu, namoota baay'ees in wallaalchisu. ⁷Lolaa fi oduu lolaa yommuu dha­geessan hin na'inaa, kan akkasii kun ta'uun irra jira; kun garuu amma illee dhuma isaa miti. ⁸ Sabni saba irratti mootummaanis mootummaa irratti in ka'a; socho'i lafaa iddoo adda ad­daatti, beellis in ta'a; wanti kun garuu jalqaba ciniinsuu ti.

 

9 "Garuu of eeggadhaa, isaanoo yaa'ii garaa garaatti dabarsanii isin in kennu, manneen sagadaa keessattis in reebamtu, anaaf jettanii fuula abboota biyyaa, fuula moototaa duras in dhaa­battu; kunis dhugaa isaanitti in ba'a. ¹⁰Duraan dursee wangeelli saba hun­dumaatti lallabamuun in ta'a. ¹¹ Isaan dabarsanii isin kennuudhaaf yommuu isin geessan, isa dubbachuuf jirtaniif dura hin yaadda'inaa! Waanuma ye­roo sanatti isiniif kennamu dubbadhaa malee; isintu dubbata miti'o, hafuura qulqulluutu dubbata malee. 12 yom_ mus obboleessi obboleessa du'atti da­barsee in kenna, abbaanis mucaa isaa, ijoollonnis warra isaanii irratti ka'anii isaan in ajjeesisu. ¹³ Anaaf jettanii hundumaa biratti kan jibbamtan in taatu; namni hamma dhumaatti jabaa­tee dhaabatu garuu in fayya" isaaniin jedhe.

 

Yasuus Milikkita Garaa Garaa Kennee Of Eeggachiisuu Isaa

14 Yasuus itti fufee, "Inni jibbisii­saan iddoo qullaa'aa xureessu sun, iddoo isaaf hin malle dhaabachuu isaa yommuu argitan - namni kana dubbisu haa hubatu! - warri Yihudaa jiran gara gaarotaatti haa baqatan! ¹⁵ Namni oobdii isaa keessa jiru deebi'ee, waa fudhachuudhaaf manatti of hin lixin. 16 Lafa qotiisaa inni jirus wayyaa isaa fudhachuudhaaf hin galin. ¹⁷ Garuu dubartoota ulfaa fi warra hoosisaniif guyyoonni sun attam sodaachisoo dha. ¹⁸Haa ta'u iyyuu malee, kun yeroo gannaatti akka hin taaneef ka­dhadhaa! ¹⁸Guyyoonni sun guyyoota rakkinaa in ta'u; rakkinni akkasiis erga Waaqayyo biyya lafaa uumee jalqabee hamma ammaatti hin taane, deebi'ees hin ta'u. ²⁰ Waaqayyo gooftaan guyyoota sana utuu gabaab­suu dhaabaatee, namni tokko iyyuu hin fayyu ture; amma garuu namoota fo'amaniif, isaanis warra inni ofiif fo'ateef jedhee, guyyoota sana in ga­baabsa. ²¹ Yeroo sanatti namni, `Ilaa Masiihiin as jira! Ilaa achi jira!' yoo isiniin jedhe hin amaninaa. ²² Masii­honni sobaatii fi raajonni sobaa ka'a­nii, yoo danda'ame warra Waaqay­yoof fo'aman iyyuu wallaalchisuu­dhaaf, milikkitaa fi dinqii adda addaa in argisiisu. ²³ Isin garuu akeekka­dhaa! Ani duraan dursee waan hundu­maa isinitti himeera" jedhe.

 

Yasuus Waa'ee Dhufaatii Ilma Namaa Dubbachuu Isaa

24 Yasuus itti dabalee, "Guyyootu­ma sanatti rakkina kana booddee im­moo biiftuun in dukkanoofti, jiinis ifa ishee hin laattu. ²⁵ Urjoonni waaqa irraa in harca'u, humnoonni bantii waaqaa keessaas in raafamu. 26 yom_ mus ilmi namaa humna guddaadhaan ulfinaanis duummessootaan utuu dhu­fuu in argu. ²⁷ Inni immoo ergamoota waaqa irraa ergee, warra Waaqayyoof fo'aman qixa arfanii, andaara lafaatii, andaara bantii waaqaatiis walitti in qaba" jedhe.

 

Fakkeenya Muka Harbuu

28 Yasuus amma immoo, "Muka harbuu fakkeenya godhadhaatii irraa baraa! Dameen isaa quqquuqee baala yommuu biqilchu, bonni akka dhi'aate in hubattu. ²⁹ Akkasuma isinis immoo, kun hundinuu ta'uu isaa yommuu ar­gitan, akka inni balbalatti dhi'aate beekaa! ³⁰ Dhuguman isinitti hima, wanti kun hundinuu hamma raawwa­tamutti dhaloonni si'anaa kun hin darbu. ³¹ Waaqnii fi lafti darbuuf jiru; dubbiin koo garuu gonkumaa hin dar­bu" jedhe.

 

Guyyicha Yookiis Yerich a Homtinuu Hin Beeku

32 Yasuus itti fufee, "Guyyicha sa­na yookiis yericha sana garuu abbaa koo duwwaatu beeka malee, erga­moonni waaqa irraa, ilmis, namni tok­ko illees kana hin beekan. ³³ Akeek­kadhaa, dammaqaas! Yerichi sun yoom akka ga'u hin beektan. ³⁴ Kun akka nama mana isaa dhiisee, biyya fagoo dhaquudhaaf ka'ee ti. Inni hoj­jetoota isaatiif aboo kennee, tokkon tokkon isaaniitiif hojii hojii isaanii kenne; karra eegduudhaan immoo 'Bin dagatin dammaqi!' jedhee abboome. ³⁵ Egaa dammaqaa! Abbaan manaa yoom akka dhufu, galgala dhufaa fi halkan walakkaa dhufaa, iyya indaan­qoo dhufaa fi ganama dhufaa hin beektan. ³⁶ Yeroo isin quba hin qabaa­tinitti yoo dhufe, utuu isin rafaa jirta­nii akka isin hin argannetti, ³⁷ kanan isiniin jedhus nama hundumaan nan jedha, dammaqaa!" isaaniin jedhe.

 

                              Boqonnaa 14

Maree Yasuus Irratti Mari'atame

¹ Ayyaanni Faasiikaa fi, ayyaanni Maxinoo guyyaa lamatti galee ture. Luboonni warn angafoonnii fi barsiisonni seeraa karaa ittiin Yasuusin haxxummaadhaan qabsiisanii ajjee­san in barbaadu turan. ² Isaan, "Na­moota gidduutti raafamni akka hin kaaneef, kana gochuun yeroo ayyaa­naatti hin ta'u" jedhu turan.

Yasuus Bitaaniyaatti Urgooftuu Dibamuu Isaa

3 Yasuus immoo, Bitaaniyaa mana Simoon isa lamxaa'ee turee keessa nyaataaf taa'ee utuu jiruu, dubartiin tokko urgooftuu dibataa makaa hin qabne baay'ee gati-jabeessas, hidda biqiltuu naardos jedhamu irraa kan hojjetame, shurrubbeetti qabattee dhuf­te; isheen shurrubbee sana cabsitee, urgooftuu sana mataa Yasuus irratti naqxe. ⁴ Jarreen tokko garuu jibbanii, "Urgooftuun kun maaliif bade? ⁵Ur­gooftuun kun akka meetii dhibba sadil caalaatti gurguramee, warra hiyyeesso­taaf kennamuu in danda'a ture" waliin jedhan; isheettis in dheekkaman. ⁶ Yasuus garuu, "Ishee dhiisaa! Maaliif rak­kiftu? Isheen waan gaarii anaaf goote. ⁷ Warra hiyyeessota, yeroo hundumaa of biratti argattu, yeroodhuma feeta­nittis gaarii gochuufii in dandeessd; ana garuu yeroo hundumaa of biratti hin argattan. ^a Isheen waan dandeesse hojjetteetti; dhagna koos duraan dursi­tee awwaalaaf dibdeetti. ⁹ Ani dhugu­man isiniin jedha, biyya lafaa guutum­maatti iddoodhuma wangeelli itti lalla­bametti, wanti isheen goote immoo seenaa isheetiif in dubbatama" jedhe.

 

Yihudaan Yasuusin Dabarsee Kennuudhaaf Walii Galuu Isaa

10 Yommus Yihudaan namni biyya Keriyot, bartoota kudha lamaan kees­saa tokko inni ture, Yasuusin dabarsee itti kennuudhaaf gara luboota warra angafootaa dhaqe. ¹¹ Isaan kana yom­muu dhaga'an gammadanii, horii ken­nuufii abdachiisan; kanaaf Yihudaan dabarsee isa kennuudhaaf fucha in barbaada ture.

 

Qophee Irbaata Faasiikaa

12 Jalqaba ayyaana Maxinootti, na­moonni hoolaa Faasiikaa erga qalanii booddee, bartoonni isaa, "Hoolaa Faa­siikaa akka nyaattuuf eessa dhaqnee akka qopheessinu barbaadda?" jedha­nii Yasuusin gaafatan. ¹³ Yommus inni bartoota isaa keessaa lama ergee, "Mandarichatti lixaa! Namni okkotee bishaanii baatu tokkos isinitti in dhufa; isa duukaa dhaqaa! ¹⁴ Manuma namichi itti galuttis abbaa manaatiin, `Manni keessummaa kan ani bartoota koo waj­jin keessatti irbaata Faasiikaa nyaadhu eessa? siin jedha barsiisaan' ittiin je­dhaa! ¹⁹ Namichi yommus mana mana irraa keessaa kutaa bal'aa, mi'a manaa­tiin guutee afame tokko, isinitti in argisiisa. Achitti nuuf qopheessaa!" jedhe. ¹⁶Bartoonni sun ka'anii gara mandaraa dhaqan; akkuma inni isaa­nitti himettis argatanii, achitti irbaata Faasiikaa qophee s s an.

 

Isa Dabarsee Isa Kennu

17 Yommuu galgalaa'e Yasuus bar­toota isaa kudha lamaanii wajjin in dhufe. ¹⁸Maaddiitti taa' anii nyaachaa utuu jiraniis Yasuus, "Dhuguman isiniin jedha, isin keessaa, inni anaa wajjin nyaachuutti jint tokko, dabarsee na kennuuf jira" jedhe. ¹⁹ Isaan yommus gaddanii wal harkaa fuudhaniis, "Anaan jechuu kee miti! Mitii ree?" ittiin jechuu jalqaban. ²⁰Inni immoo, "Warra kudha lamaan keessaa tokko, isa anaa wajjin qodaa ittootti cuupha­tuu dha. ²¹Ilmi namaa illee akkuma waa'ee isaaf caafametti du'uuf in dha­qa; garuu namicha ilmi namaa harka isaatiin dabarfamee kennamu sanaaf wayyoo! Namichi sun utuu hin dhalan­ne ta'ee in wayyaaf ture" isaaniin jedhe.

Irbaata Qulqulluu Dhaabuu Isaa

22 Utuu nyaachaa jiranii, Yasuus buddeena fuudhee, eebbisee, cabsees bartoota isaatiif kennee, "Fudhadhaa, kun dhagna koo ti!" jedhe. ²³ Xoofoos fudhatee Waaqayyoof galata galchee, isaaniif kenne; isaanis hundumtuu xoo­ficha keessaa in dhugan. ²⁴ Inni immoo, "Kun dhiiga koo ti, dhiiga kakuu dhaabate sana cimsuudhaaf namoota baay'eedhaaf dhangala'ee        dha. ²⁵ Hamma guyyaa gaafa ani mootum­maa Waaqayyoo keessatti isa haaraa dhugutti, deebi'ee daadhii wayni­chaattii akkan hin dhugne dhuguman isinitti hima" isaaniin jedhe. ²⁶ Faar­fannaa galataa erga faarfatanii booddee gara gaara ejersaatti of ba'an.

Phexros Ganuuf Akka Jiru Yasuus Duraan Dursee Dubbachuu Isaa

27 Yommus Yasuus, "Hundumti keessan na dhiiftanii baqachuuf jirtu. `Ani tiksee rukutee lafaan nan dha'a, hoolonnis in bittimfamu' jedhamee caa­fameera. ²⁸ Ergan du'aa kaafamee booddee garuu, isin dura Galiilaa nan dhaqa" isaaniin jedhe. ²⁹ Phexros yommus, "Isaan hundinuu si dhiisanii yoo baqatan iyyuu, ani si dhiisee hin baqadhul" ittiin jedhe. ³⁸ Yasuus immoo, "Dhuguman sun jedha, halkanuma ka­na indaanqoon si'a lama utuu hin iyyin, ati si'a sadii na ganta" ittiin jedhe. ³¹ Inni garuu ittuma cimsee, "Sii wajjin du'uun yoo na irraa barbaadame illee, matumaa si hin ganu" jedhe; isaan hundumtuus akkasuma jedhan.

Yasuus Getesemaaneetti Kadhachuu Isaa

32 Gara iddoo dhaabaa Getesemaa­nee jedhamu tokkoo dhaqanii, Yasuus bartoota isaatiin, "Hamma ani kadha­dhee raawwadhutti as taa'aa!" jedhe. ³³ Phexrosin, Yaaqoobin, Yohannisinis ofii wajjin fudhatee, raafamee yaadaan dhiphachuutti ka'e. ³⁴ Isaaniin immoo, "Lubbuun koo hamma du'aatti baay'ee gaddite; isin as turaa, dammaqaas!" jedhe. ³⁵ Xinnoos irraa hiiqee adda isaatiin gombifamee, yoo danda'ame yerottiin kun akka isa bira darbituuf kadhatee, ³⁶ "Yaa abbaa ko wanti hun­dumtuu siif in danda'ama; xoofoo dhi­phinaa kana ana irraa fuudhi! Garuu wanti ati jaallatte has ta'u malee, waan ani jaalladhu miti" jedhe. ³⁷ Dhufees rafanii isaan argee, Phexrosiin, "Si-moon! In raftaa? Sa'aatii tokkittiif illee dammaquu hin dandeenyee? ³⁸ Qora­matti akka hin galleef dammaqaa, ka­dhadhaa! Hafuurri illee dhimmaa dha, foon garuu dadhabaa dha" jedhe. ³⁹ Ammas achi hiiqee kadhatuma isaa duraas kadhate. ⁴⁰ Deebi'ee dhufees utuu isaan rafanii arge; iji isaanii baay'ee itti ulfaatee ture; maal akka isaaf deebisanis hin beekne. ⁴¹ Si'a sadaffaatti dhufee, "Amma iyyuu raf­tanii boqochuutti jirtuu? In ga'a, yeri­chi ga'eera; kunoo, ilmi namaa harka cubbamootaatti kennamuu isaa ti. 42 Ka'aa itti adeemnaa! Kunoo, inni dabarsee na kennu dur dhi'aate" isaa­niM jedhe.

Yasuus Qabamuu Isaa

43 Utuma Yasuus kana dubbachaa jiruu, kunoo, Yihudaan, warra kudha lamaan keessaa tokko, isaan bira ga'e. Isaa wajjinis luboota warra angafoota, barsiisota seeraa fi maanguddoota bi­raa warri ergaman billaadhaa fi bokkuu qabatanii dhufan. ⁴⁴ Inni dabarsee Yasuusin kennuuf ture sun milikkitaaf, "Inni ani dhungadhu isa, qabaatii, eeg­gachaa fuudhaa sokkaa!" jaraan jedhee ture. ⁴⁸ Yihudaan akkuma achi ga'een gara Yasuusitti darbee, "Barsiisaa ko!" jedhee isa dhudhungate. ⁴⁶ Jarri yom­mus hiixatanii Yasuusin qaban. ⁴⁷ Warra bukkee dhaabatan keessaa immoo tok­ko billaa isaa luqqifatee, garbicha an­gafa lubootaa rukutee, gurra isaa irraa kute. ⁴⁸ Yasuus immoo, "Akka warra saamtuu qabuudhaaf ba'aniitti, ana qa­buudhaaf billaadhaa fi bokkuudhaan yaatanii? ⁴⁹ Guyyaa dhufaa darbaa isi­nii wajjin wal argaa, mana qulqullum­maa keessattis barsiisaan ture, isin yommus ana hin qabne; amma garuu wanti caaffanni qulqullaa'oon jedhan raawwatamuun in ta'a" jedhe. ⁵⁰ Bar­toonni hundinuu immoo isa dhiisanii in baqatan.

 

51 Yeroo sanatti dargaggeessi tok­ko wayyaa quncee talbaa tokko duw­waa dhagna isaatti olbatee, Yasuus duu­kaa dhaqe; jarris isa qabatan. ⁸² Juni immoo wayyaa sana harkatti dhiisee, qullaa isaa fiigee harkaa ba'e.

Yasuus Yaa'ii Warra Yihudootaa Duratti Dhi'aachuu Isaa

53 Yasuusin gara angafa lubootaatti geessan; luboonni warri angafoonni hundinuu, maanguddoonni, barsiisonni seeraas achitti walitti qabamanii turan. ⁵⁴ Phexros hamma oobdii mana angafa lubootaatti irraa fagaatee Yasuus duu­kaa adeeme, achitti eegdotaa wajjin taa'ee ibidda in qaqqaammata tune. ⁵⁵ Luboonni warri angafoonni, guutum­maan yaa'ii warra Yihudootaas Yasuusin ajjeesuudhaaf namoota isa irratti dhugaa ba'aniif in barbaadu turan, garuu tokko illee hin arganne. ⁵⁶ Na­moonni baay'een sobaan yoo isa irratti dhugaa ba'an iyyuu, dubbiin isaanii wal hin fudhanne. ⁵⁷Kaan immoo ka'a­nii sobaan isa irratti dhugaa ba'anii, ⁵⁸ "`Mana qulqullummaa isa harkaan hojjetame kana jigsee, guyyaa sadiitti kan biraa kan harkaan hin hojjetamin nan dhaaba' jechuu isaa dhageenyeer­ra" jedhan. ⁵⁹ Haa ta'u iyyuu malee, isa kana irratti iyyuu dubbiin isaanii wal hin fudhanne.

 

60 Yommus angafni lubootaa fuula hunduma isaanii dura dhaabatee Yasuusin, "Waan jarri kun si irratti dhugaa ba'an kanaaf deebii tokko illee hin qabduu ree?" jedhee gaafate. ⁶¹ Inni garuu calluma jedhe malee, deebii tokko illee hin laanneef. Angafni lu­bootaa amma immoo, "Ati Masiihii, ilma Waaqayyoo isa galateeffamaa tii?" jedhee isa gaafate. ⁶² Yasuus im­moo, "Ani isa; ilmi namaa mirga isa aango-qabeessaa taa'ee duumessoota waaqaa keessas utuu dhufuu arguuf jirtu" jedheen. ⁶³ Yommus angafni lubootaa sun aaree uffata isaa tarsaa­see, "Amma immoo dhuga-baatuu maalii nu barbaachisa ree? 64 waaqay_ yoon arrabsuu isaa isin iyyuu dhagees­saniittu! Maal isinitti fakkaata?" jedhe. Kana irratti isaan hundumtuus ajjeefa­muun akka isaaf ta'u itti muran. ⁶⁵ Jarreen tokkos isatti tufan, ija isaas hidhanii rukutanii, "Eenyutu si rukute? Raajii keetiin nutti himi!" ittiin jedhu turan; warri eegdonnis isaan harkaa fudhatanii isa kakkabalan.

Phexros Yasuusin Ganuu Isaa

66 Phexros amma illee oobdii keessa utuu jiruu xomboreewwan angafa luboo­taa keessaa tokko in dhufte. 67Isheen utuu Phexros ibidda qaqqaammatuu ar­gitee, hubattee isa ilaaltee, "Atis immoo Yasuus namicha biyya Naazireet sanaa wajjin turte" jette. ⁶⁸Inni garuu, "Waan ati jettu ani hin beeku, anaaf hin galus" jedhee gane; kana booddee gara karra dallichaatti gad ba'e; [ergasii indaan­goon in iyyite]. ⁶⁹Xomboreettiin isa argitee ammas warra achi dhaabataniin, "Namichi kunis isaan keessaa tokko" jette. ⁷⁰Inni garuu ammas in gane. Yeroo xinnoo booddees warri achi dhaabatan ammoo Phexrosiin, "Atis nama Galiilaa waan taateef, ati dhuguma isaan keessaa tokko" ittiin jedhan. ⁷¹ Inni garuu, "Na­micha isin jettan kana ani hin beeku" jedhee, of abaaruu kakachuuttis ka'e. ⁷²Achumaanis indaanqoon lammaffaa iyyite; Phexros yommus isa Yasuus, "In­daanqoon si'a lama utuu hin iyyin, ati si'a radii na ganta" ittiin jedhee ture yaadatee, boo'icha in futtaafate.

 

                                    Boqonnaa 15

 

Yasuus Philaaxos Duratti Dhi'eeffamuu Isaa

¹ Akkuma lafti bari'een luboonni warri angafoonni, maangud­doonnii fi barsiisonni seeraa guutum­maan yaa'ii warra Yihudootaa hundi­nuus Yasuus irratti mari'atan; kana booddee isa hidhanii, geessanii, Philaa­xositti dabarsanii kennan. ² Philaaxos, "Sii mootiin Yihudootaa?" jedhee isa gaafate; inni immoo, "Situ akkas je­dhe" jedhe deebiseef. ³ Luboonni warri angafoonni waan baay'eedhaan isa ha­dheessan. ⁴ Philaaxos ammas, "Kunoo, waan baay'eedhaan si hadheessu'o waan deebiftu hin qabduu ree?" jedhee, Yasuusin gaafate. ⁵ Yasuus garuu ergasii deebii tokko illee hin deebif­neef; kun immoo Philaaxosin in dinqi­fachiise.

Yasuusitti Du'i Faradamuu Isaa

6 Philaaxos ayyaana Faasiikaatti warra hidhaman keessaa nama isaan, "Nuuf gad dhiisi" jedhan tokko in gad dhiisa ture. ⁷ Warra goolii kaasanii nama ajjeesanii hidhaman keessaa im­moo tokko Barabbaa kan jedhamu ture. ⁸ Yommus namoonni gara mana mootummaatti of ba'anii, waan dur gochaafii ture akka isaaniif raawwa­tuuf Philaaxosin kadhachuutti ka'an. ⁹ Philaaxos immoo deebisee, "Mootii Yihudootaa akkan gad isiniif dhiisu barbaadduu?" isaaniin jedhe. ¹⁶ Innoo luboonni warri angafoonni hinaaffaa­dhaaf dabarsanii akka isa kennan hu­batee ture. ¹¹ Luboonni warri anga­foonni garuu, isaa mannaa Barabbaa gad nuuf dhiisi, akka jedhaniif namoo­ta itti tuqan. ¹² Ammas Philaaxos, "Egaa namicha isa isin mootii Yihu­dootaa jettanii waamtanoo maal godhu ree?" jedhee isaaniif deebise. ¹³ Isaa­nis, "Isa fannisi!" jedhanii iyyan. ¹⁴ Philaaxos immoo, "Maaliif? Maal balleesse?" isaaniin jedhe; isaan ga­ruu, "Isa fannisi!" jedhanii ittuma caalchisanii iyyan. ¹⁵ Philaaxos yom­mus namoota gammachiisuu barbaa­dee, Barabbaa gad isaaniif dhiise; Yasuusin immoo reebsisee akka inni fan­nifamuuf dabarsee kenne.

Warri Loltuu Yasuusitti Ga'isuu Isaanii

16 Warri loltuu ergasii Yasuusin ga­ra mana mootummaa sanatti of galcha­nii, kutata loltuu sana keessaa warra hafanis walitti waaman. ¹⁷ Uffata dhiil­gee Yasuusitti uffisanii, gonfoo qoraattii hojjetanii, mataa isaa irra kaa'an.¹⁵ Achumaanis, "Attam ree, yaa mootii Yihudootaa!" jedhanii nagaa isa gaafa­chuutti ka'an. ¹⁵ Uleedhaan mataa isaa rurrukutanii, itti tufanii jilbeenfatanii sagadaniifis. ²⁰ Isaan erga itti ga'isa­nii booddee, uffata dhiilgee sana irraa baasanii, wayyaa isaa deebisanii itti uffisan; kana booddee gad baasanii fannisuudhaaf isa geessan.

17-19 Luq 23:11

Yasuus Fannifamuu Isaa

21 Namni biyya Qareenaa tokko maqaan isaa Simi'oon kan jedhamu, abbaa Iskindrosii fi Ruufos, lafa qotiisa isaatii utuu galuu isaanitti dhufe; isaan immoo fannoo Yasuus akka baatuuf isa giddisiisan. ²² Yasuusinis gara iddoo Golgootaa jedhamutti geessan; "Gol­gootaa" jechuun "Iddoo lafee mataa" jechuu dha. ²³ Isaan yommus daadhii waynii qumbiidhaan makame Yasuusiif kenninaan, inni fudhachuu dide. ²⁴ Yommus jarri isa in fannisan; uffata isaa immoo hiranii eenyu isa kam akka fudhatu baruudhaaf muka itti buufa­tan. ²⁵ Yeroon isa fannisanis bari'ee sa'aatii sadiitti ture. ²⁶ Yakka inni ittiin hadheeffame mul'isuudhaafis, "Kun mooticha Yihudootaa ti" kan jedhu mataa isaa gararraatti caafamee ture. ²⁷ Isaa wajjin immoo saamtota lama, isa tokko mirga isaatti isa kaanis bitaa r28 isaatti fannisan. Yommus inni ma­caafni, "Warra seera cabsituutti lak­kaa' ame" jedhu in raawwatame]. ²⁹ Warri achiin darban immoo mataa isaanii raasanii, "Muu! Ati isa mana qulqullummaa jigsitee guyyaa sadiitti ijaartu! ³⁰ Mee of oolchi! Fannoo ir­raas gad bu'i!" jedhanii in arrabsu turan. ³¹ Luboonni warri angafoonnii fi barsiisonni seeraas akkasuma wal har­kaa fuudhanii isatti ga'isan, "Inni na­moota biraa oolcheera, ofii isaa immoo oolchuu hin danda'u. ³² Masiihicha mooticha Israa'el erga ta'ee akka nuyi arginee isatti amannuuf, amma fannoo irraa gad has bu'u!" jedhan; warri isaa wajjin fannifamanis immoo isa in cee­pha'u turan.

Yasuus Du'uu Isaa

33 Sa'aatii ja'aa jalqabee hamma sa'aatii sagaliitti dukkanni lafa hundu­maa irra ture. ³⁴ Sa'aatii sagalittis Yasuus sagalee guddaadhaan, "Elo'ii, Elo'ii lamaa sabaktanii?" jedhee waammate; kunis, "Waaqayyo ko, Waaqayyo ko maaliif na dhiifte?" jechuutti in hiikama. ³⁵ Warra achi dhaabatan keessaa kaan kana dhaga'a­nii, "Kunoo, Eliyaasin waammata" jedhan. ³⁶ Yommus isaan keessaa tok, ko fiigee daadhii waynii dhangag, gaa'aa waan akka cumaa buqqee ha­dhaa'aa, isa bishaan dhagnatti xuuxu tokkotti guutee, uleetti kaa'ee, akka inni dhuguuf kenneefii, "Eliyaas fan­noo irraa gad isa buusuudhaaf yoo dhufe, mee in ilaalla!" jedhe. ³⁷ Yasuus sagalee guddaa isaa dhageessisee hafuurri isaa keessaa yaa'e. ³⁸ Yeroo sanatti golgaan mana qulqullummaa olii hamma gadiitti iddoo lamatti tar­sa'e. ³⁹ Angafni dhibbaa inni gara Yasuusitti garagalee dhaabatu akkasitti hafuurri isaa isa keessaa yaa'uu isaa yommuu hubate, "Namni kun dhugu­ma ilma Waaqayyoo ture" jedhe.

 

40 Dubartoonni halaala dhaabatanii in ilaalan; isaan keessas Maariyaam ishee Magdalaa, Maariyaam haadha Yaaqoob isa quxisuu, kan Yosees, Salomees turan, ⁴¹ Isaan warra yom­muu inni Galiilaa ture isa duukaa bu'anii isaaf hojjetan; kan biraa dubar­toonni baay'eenis immoo isaa wajjin Yerusaalemitti kan ol ba'an achitti argamaniiru.

 

Yasuus Awwaalamuu Isaa

42 Borumtaas Sanbata waan ta'eef namoonni guyyaa sanatti in qophaa'u turan; yeroon isaa immoo gara galgalaa ture. ⁴³ Yaa'ii warra Yihudootaa keessa namichi ulfina-qabeessi Yoseef jedha­mu tokko ture. Namichi mandara Ar­maatiyaa inni ofii isaatii mootummaa Waaqayyoo eeggatu kun, ija-jabinaan Philaaxos bira dhaqee, reeffa Yasuus kadhate. ⁴⁴ Philaaxos immoo, "Kanuma dura du'ee?" jedhee dinqifate; yommus angafa dhibbaa waamee erga du'ee hammam akka ture gaafate. ⁴⁵ Akka isaa angafa dhibbaa irraa erga baree booddee, reeffa isaa Yoseefiif kennisii­se. ⁴⁸ Yommus Yoseef wayyaa quncee talbaa irraa dha'ame bitee, reeffa isaa fannoo irraa gad buusee, wayyicha sanaanis kafane. Awwaala garaa dha­gaa keessatti tolfame tokko keessa kaa'ee, balbala awwaalichaatti immoo dhagaa gangalche. 47 Maariyaam isheen Magdalaa, Maariyaam haati Yo-sees iddoo reeffi isaa kaa'ame in argan.

 

                                        Boqonnaa 16

 

Yasuus Du'aa Ka'uu Isaa

1 Sanbanni erga darbee, Maari­yaam isheen Magdalaa, Maari­yaam haati Yaaqoob, Salomeenis dha­qanii dhagna Yasuus dibuudhaaf urgoof­tuu bitan. ² Jalqaba torbanii, [gaafa Sanbata guddaa], ganama barii ka'anii akkuma aduun baateen awwaalicha bi­ra ga'an. ³ Karaatti immoo, "Eenyutu dhagicha balbala awwaalichaattii nuuf garagalcha?" waliin jechaa turan. ⁴ Dhagichi baay'ee guddaa ture; itti hiiqanii yommuu ilaalan immoo dhagi­chi balbala awwaalichaattii garagalfa­mee argan. ⁵ Awwaalichatti akkuma ol lixaniin dargaggeessa tokko, uffata gad dheeraa adii uffatee bukkee gara mir­gaatiin taa'ee argan; isaan yommus na'anii in dinqifatan. ⁶ Inni immoo, "Naatanii hin dinqifatinaa! Isin Yasuus nama Naazireet isa fannifamee ture barbaaddu; innoo ka'eera, as hin jiru, ilaa, iddoo isaan isa ciibsanii turan iyyuu! ⁷ Garuu dhaqaa! Bartoota isaatti Phexrosittis, `Inni isin dura Galiilaa in dhaqa, akkuma isinitti himes achitti isa in argitu' jedhaatii himaa!" isaaniin jedhe. ⁸ Isaan rom'anii of wallaalanii waan turaniif, achi keessaa ba'anii awwaalicha biraa baqatan; waan sodaa­taniifis nama tokkotti iyyuu waa hin himne.

Yasuus Maariyaam Ishee Magdalaatti Mul'achuu Isaa

9 Yasuus jalqaba torbanii, [guyyaa Sanbata guddaa] ganama barii yommuu du'aa ka'e, dura Maariyaam ishee Magdalaatti mul'ate; Maariyaam kun ishee inni hafuurota hamoota torba keessaa baasee turee dha. ¹⁰ Isheen gara warra isaa wajjin turanii, gadduu fi boo'uutti jiranii, dhaqxee kana isaa­nitti himte. ¹¹ Isaan garuu akka inni jiraataa ta'e, akka isheen isa argites, yommuu ishee irraa dhaga'an kana hin amanne.

 

Yasuus Jara Lamaanitti Mul'achuu Isaa

12 Kana booddee jarreen lama diida utuu dhaqanii Yasuus bifa biraatiin isaa­nitti mul'ate. ¹³ Jarreen kun deebi'anii warra kaanitti himan; isaan garuu dub­bii isaan kanaas hin amanne.

 

 

Yasuus Bartoota Kudha Tokkonitti Mul'achuu Isaa

14 Ergasii immoo Yasuus, bartoota kudha tokko warra maaddiitti taa'anitti mul'ate. Warri isa du'aa ka'e kana argan, yommuu isaanitti himan, waan bartoonni kun hin amaniniif amanti­dhabina isaaniitii fi mata-jabina isaa­niitti dheekkame. ¹⁵ Inni, "Gara biyya lafaa hundumaa dhaqaa! Uumama hun­dumaattis wangeela lallabaa!  ¹⁶ Namni amane namni cuuphames in fayya; namni hin amanne garuu itti in farada­ma.  ¹⁷Warra anatti amanan birattis milikkitoonni kun in argamu; warri anatti amanan kun maqaa kootiin ha­fuurota hamoota in baasu, afaanota haaraadhaanis in dubbatu. ¹⁸ Bofa yoo qaban yookiis waan nama ajjeesu yoo dhugan isaan hin miidhu; harka isaaniis warra dhukkubsatan irra in kaa'u, isaa­nis in fayyu" isaaniin jedhe.

Yasuus Gara Waaqa Keessaatti 0l Fudhatamuu Isaa

19 Yasuus gooftaan isaanii wajjin erga dubbatee booddee, gara waaqa keessaatti of fudhatamee mirga Waa­qayyoo taa'e. ²⁰ Ergasii bartoonni dhaqanii iddoo halletti lallaban; goof­taan immoo isaanii wajjin hojjete, dubbichas milikkitoota argamaniin in cimse.